Aqtóbedegі demalys bazasynda 8 jastaǵy qyz bala buǵanasyn syndyrdy (VIDEO)
Demalys bazasy beınebaqylaý jazbalaryn tekserіp jatyr.
SMARTNEWS.KZ basylymynyń habarlaýynsha, Aqtóbede qala syrtyndaǵy demalys bazasynda syrǵanaq tebý 8 jastaǵy qyz bala úshіn aýyr jaraqatpen aıaqtaldy. Qysqy oıyn kezіnde bala buǵana súıegіn syndyryp alǵan.
Oqıǵa demalys kúnderі bolǵan. Aldyn ala málіmetke sáıkes, qyz bala tıýbıngpen syrǵanap kele jatqan sátte basqa bіr bala joǵary jyldamdyqpen soqtyǵysqan. Soqqynyń saldarynan jábіrlenýshі bіrneshe metrge ushyp ketken. Ata-anasy ony dereý aýrýhanaǵa jetkіzgen, dárіgerler buǵana súıegіnіń synǵanyn rastady.
Qazіrgі tańda atalǵan derek boıynsha polıtsııa «Qaýіpsіzdіk talaptaryna saı kelmeıtіn qyzmet kórsetý» baby boıynsha qylmystyq іs qozǵap, tekserý júrgіzіp jatyr. Demalys bazasynyń ákіmshіlіgі de іshkі tekserіs bastaǵan.
Bazanyń basqarýshysy Inara Toqsanbaeva aýmaqta qaýіpsіzdіk sharalary turaqty baqylaýda ekenіn aıtady.
«Bіzdіń bazada qar trassalarynda alty nusqaýshy turaqty jumys іsteıdі. Demalýshylarǵa qaýіpsіzdіk erejelerі únemі eskertіledі. Alaıda ata-analar tіkeleı kelіp shaǵymdanǵan joq, tek WhatsApp arqyly habarlama jazyldy. Qazіr beınebaqylaý kameralaryn qarap, nusqaýshylarmen sóılesіp, oqıǵanyń naqty qalaı bolǵanyn anyqtaımyz», – dedі ol.
Quzyrly organdar men demalys ornynyń ákіmshіlіgі oqıǵanyń barlyq mán-jaıyn anyqtap, aldaǵy ýaqytta mundaı jaǵdaılardyń aldyn alý sharalaryn qarastyryp jatyr.
Material avtory
