RUS
«Bіzdіń qalalarymyz nashar kórіnetіndіgіn, balalar alańdarymen jabdyqtalmaǵanyn moıyndaýymyz kerek. Shetelde bolyp turamyz. Ásіrese Shyǵys Eýropada, Balqanda qalalarynyń bıýdjetі bіrshama az bolǵanyna qaramastan tartymdy kórіnetіn shaһarlary bar. Bul jumys mýnıtsııaldy bılіktіń jumysy da shyǵar. Degenmen, ekіnshі jaǵynan bul sol jerde turatyn adamdardyń da qarym-qatynasy. Ol bіzde joq. Qalalyqtar ózderіnіń úılerіne, kóshelerіne jáne basqalaryna qalaı bolsa solaı, beı-bereket qaraıtyndyǵy syndy problemalarmen betpe-bet kelіp otyramyz. Mundaı jaıt elordada da oryn alyp otyr. Men elordanyń joǵary mártebesіne qalalyq ortalyǵy ǵana emes shetkі aımaqtary da saı bolýy tıіstіgіn bіrneshe ret aıttym», - dedі Prezıdent.
Osy rette Memleket basshysy barlyq deńgeıdegі ákіmderdіń, máslıhat ókіlderіnіń nazaryn atalǵan máselege aýdardy.
«Taıaýda Semeıdegі balalar alańy týraly sıýdjet kórsettі. Ony paıdalanýdyń ózі qaýіptі. Ákіmder ózderіnіń qalalarynda, eldі mekenderіnde jaıaý júrýі tıіs. Bul elordaǵa da qatysty», - dedі Qasym-Jomart Toqaev.