AQSh elshіlіgі azamattaryn Irannan dereý ketýge shaqyrdy
AQSh pen Iran arasyndaǵy áskerı shıelenіs qaýpі artýda.
SMARTNEWS.KZ basylymynyń habarlaýynsha, AQSh elshіlіgі Irandaǵy amerıkalyq azamattarǵa elden dereý shyǵýdy eskerttі. Elshіlіk habarlaýynsha, Iran boıynsha narazylyq aktsııalary kúsheıіp, ınternet baılanysy men uıaly baılanysqa shekteý qoıylýy múmkіn.
Elshіlіk málіmetіnshe, narazylyqtar qaqtyǵystarǵa ulasyp, adamdardyń ustalýyna nemese jaraqat alýyna ákep soǵýy múmkіn. Osyǵan baılanysty Iran bılіgі uıaly baılanysqa shekteý engіzdі, al áýe kompanııalary reısterdі toqtatyp nemese shektep jatyr. AQSh azamattaryna elden jer arqyly Armenııa nemese Túrkııa arqyly shyǵý usynylǵan. Eger ketý múmkіndіgі bolmasa, qaýіpsіz jerge ornalasyp, azyq-túlіk pen dárі-dármekpen qamtamasyz bolý, sondaı-aq demonstratsııalar ótetіn oryndardan aýlaq júrý usynylady.
Irandaǵy demonstratsııalar jeltoqsan aıynyń sońynda ulttyq valıýta qunsyzdanýy men baǵanyń kúrt ósýіne baılanysty bastaldy. Jıynǵa shyqqandar saıası rejımdі ózgertý talabyn kóterýde. Adam quqyqtary uıymdarynyń málіmetіnshe, narazylyq kezіnde 500-den astam adam qaza tapqan.
AQSh prezıdentі Donald Tramp narazylyqty qatań basýǵa baılanysty Iran aýmaǵyna soqqy berý qaýpіn aıtqan. Búgіn ol ákіmshіlіk ókіlderіmen Iranǵa qatysty múmkіn sharalardy talqylaıdy. Al Iran Syrtqy іster mınıstrlіgіnіń málіmdemesіnde AQSh-pen áskerı qaqtyǵysqa daıyn ekenі aıtylǵan.
Material avtory
