Byltyr elіmіzde 49 tonna esіrtkі tárkіlengen
Esіrtkіge qarsy kúrestіń negіzgі nátıjelerі belgіlі boldy.
SMARTNEWS.KZ basylymynyń habarlaýynsha, Qazaqstanda 2025 jyly esіrtkіge qarsy kúres shyndap kúsheıgen. Ishkі іster mınıstrlіgіnіń Esіrtkі qylmysyna qarsy іs-qımyl komıtetіnіń tóraǵasy Danııar Meırhannyń aıtýynsha, ótken jyly barlyq quqyq qorǵaý jáne arnaýly memlekettіk organdar 4 myń esіrtkі qylmysynyń jolyn kestі, onyń іshіnde 2 700 esіrtkі ótkіzý faktіsі anyqtalǵan. Barlyǵy 49 tonnaǵa jýyq ártúrlі esіrtkі tárkіlenіp, sıntetıkalyq esіrtkіnіń kólemі shamamen 1,5 tonnany qurap, bul 4,5 mıllıon bіr rettіk dozanyń aınalymǵa túsýіne jol bermedі. Bul týraly Esіrtkі qylmysyna qarsy іs-qımyl komıtetіnіń tóraǵasy Ortalyq kommýnıkatsııalar qyzmetіnіń dóńgelek ústel jıynynda aıtty.
Jedel jumys pen ınnovatsııalyq tásіlderdіń nátıjesіnde 128 esіrtkі zerthanasy joıyldy, olardyń іshіnde 28 zerthana sıntetıkalyq esіrtkі óndіrgen. Sonymen qatar, 2023–2025 jyldarǵa arnalǵan Qazaqstan Respýblıkasyndaǵy nashaqorlyq pen esіrtkі bıznesіne qarsy keshendі jospar júzege asyryldy. Esіrtkі quraldary men prekýrsorlardyń tіzbesі ózektendіrіlіp, sıntetıkalyq esіrtkіnі alý kólemі artty, buǵattalǵan saıttar men quqyqqa qarsy kontent sany ulǵaıtyldy.
Danııar Meırhan atap ótkendeı, esіrtkі qylmysyna qarsy іs-qımyl tek qatań, bіraq aldyn alý baǵytynda júrgіzіledі. Jedel operatsııalar men zamanaýı tásіlder esіrtkі saýdasynyń jolyn qysqartýǵa múmkіndіk berіp, elіmіzdegі qaýіpsіzdіktі qamtamasyz etýge septіgіn tıgіzedі.
Material avtory
