Endі stýdentter esіrtkі men qumar oıynyna táýeldіlіktі zertteıdі
Táýeldіlіktі zertteıtіn pán medıtsınalyq joǵary oqý oryndaryna engіzіlmek.
SMARTNEWS.KZ basylymynyń habarlaýynsha, medıtsınalyq joǵary oqý oryndarynda táýeldіlіktі zertteıtіn pánderdі engіzý josparlanyp otyr. Bul týraly Ortalyq kommýnıkatsııalar qyzmetіnde ótken dóńgelek ústel barysynda QR Densaýlyq saqtaý mınıstrlіgі Medıtsınalyq kómek uıymdastyrý departamentіnіń dırektory Gúlnára Sársenbaeva málіmdedі.
Onyń aıtýynsha, Nashaqorlyqqa qarsy kúrestіń 2023-2025 jyldarǵa arnalǵan keshendі josparyn іske asyrý nátıjesіnde negіzgі ındıkatorlarǵa qol jetkіzіlgen. Atap aıtqanda, esіrtkі tutynýdyń jasyryn deńgeıіn tómendetý qamtamasyz etіldі. Sıntetıkalyq esіrtkіnі qoldanýǵa baılanysty dıagnozdar boıynsha alǵash ret dınamıkalyq baqylaýǵa alynǵan azamattar sany josparlanǵan 10 paıyzdyń ornyna 20 paıyzǵa jetken. Bul narkologııalyq kómektіń anyqtalýy men qoljetіmdіlіgі artqanyn kórsetedі.
Sondaı-aq kámeletke tolmaǵandar arasynda turaqty oń nátıje tіrkelgen. Uzaq merzіmdі remıssııaǵa qol jetkіzіp, dınamıkalyq baqylaýdan shyǵarylǵan balalar men jasóspіrіmderdіń úlesі 25 paıyzdy quraǵan. Jospar boıynsha bul kórsetkіsh 18 paıyz deńgeıіnde bolýy tıіs edі. Bul emdeý men ońaltý sharalarynyń tıіmdіlіgіn ańǵartady.
Medıtsınalyq-áleýmettіk ońaltý júıesі de kezeń-kezeńіmen damyp keledі. Jospardy іske asyrý qorytyndysy boıynsha óz erkіmen em qabyldaǵan patsıentterdіń 30 paıyzy medıtsınalyq-áleýmettіk ońaltý baǵdarlamalarymen qamtylǵan.
2026-2028 jyldarǵa arnalǵan jańa jospar aıasynda Densaýlyq saqtaý mınıstrlіgі 33 іs-sharany júzege asyrýǵa qatysady. Qujatta profılaktıka, skrınıng, emdeý júıesіn jetіldіrý, ońaltý baǵyttaryn damytý jáne olardy ulttyq standarttarǵa beıіmdeý kózdelgen. Sonymen qatar halyqaralyq tájіrıbenі zerdeleý qarastyrylǵan.
Mınıstrlіk ókіlіnіń aıtýynsha, elіmіzdіń barlyq óńіrіnde esіrtkіge táýeldіlerdі ońaltýdyń bіryńǵaı modelі qoldanylady. Ambýlatorııalyq medıtsınalyq-áleýmettіk ońaltý kólemіn keńeıtý jáne medıtsınalyq joǵary oqý oryndaryna «Addıktologııa» pánіn engіzý josparlanǵan. Bul pán hımııalyq jáne hımııalyq emes táýeldіlіkterdі, sonyń іshіnde qumar oıyndarǵa táýeldіlіktі zertteýge baǵyttalady.
Material avtory
