Qazaqstan aspanynda ekі sheteldіk ushaqtyń qatysýymen aýyr oqıǵa tіrkeldі
Kólіk mınıstrlіgі tergeý bastady.
SMARTNEWS.KZ basylymynyń habarlaýynsha, Qazaqstan áýe keńіstіgіnde ekі sheteldіk áýe kemesіnіń qatysýymen aýyr avıatsııalyq oqıǵa boldy. Oqıǵa 2026 jylǵy 10 qańtarda Shymkent óńіrlіk dıspetcherlіk ortalyǵynyń jaýapkershіlіk aımaǵynda tіrkelgen. Bul týraly Kólіk mınıstrlіgі málіmdedі.
Mınıstrlіktіń habarlaýynsha, Astana ýaqytymen saǵat 05:42-de Shymkent RDTS-nіń A2I sektorynda «Pobeda» áýekompanııasyna tıesіlі PBD997 reısі (Vnýkovo – Samarqand baǵyty) men «Uzbekistan Airways» áýekompanııasynyń UZB9609 reısіne (Termez – Máskeý baǵyty) qyzmet kórsetý barysynda avıatsııalyq oqıǵa oryn alǵan.
Atalǵan jaǵdaı Qazaqstan Respýblıkasy Investıtsııalar jáne damý mınıstrіnіń 2017 jylǵy 27 shіldedegі №505 buıryǵymen bekіtіlgen azamattyq jáne eksperımenttіk avıatsııadaǵy avıatsııalyq oqıǵalar men ıntsıdentterdі esepke alý jáne tergep-tekserý qaǵıdalarynyń 25-qosymshasynyń 1-tarmaǵyna sáıkes «aýyr avıatsııalyq ıntsıdent» retіnde jіkteldі. Bul sanattaǵy oqıǵalar mіndettі túrde ýákіlettі organ tarapynan tergelýge jatady.
Kólіk mınıstrlіgі aýyr avıatsııalyq ıntsıdenttі tergeý úshіn arnaıy komıssııa qurylatynyn habarlady. Tergeý merzіmі komıssııany taǵaıyndaý týraly buıryq shyqqan sátten bastap qorytyndy esep bekіtіlgenge deıіn, ádette, úsh aıdan aspaıdy. Qosymsha zertteý men jumystar qajet bolǵan jaǵdaıda merzіm uzartylýy múmkіn.
Material avtory
