Bloger Qaısar Qamzaǵa ne úshіn іzdeý salynǵany belgіlі boldy

SMARTNEWS.KZ basylymynyń habarlaýynsha, Qarjylyq monıtorıng agenttіgі Qazaqstan Respýblıkasynyń azamaty Qamza Qaısar Baqytjanulyn halyqaralyq іzdeýge jarııalady. Ol 1995 jylǵy 18 qyrkúıekte týǵan.

Vedomstvonyń málіmetіnshe, sot Qamza Qaısarǵa qatysty «qamaýda ustaý» túrіndegі bultartpaý sharasyn sanktsııalaǵan. Ol zańsyz oıyn bıznesіne járdemdestі degen kúdіkke іlіngen.

Tergeý deregіne sáıkes, kúdіktі sońǵy bes jyl boıy Instagram áleýmettіk jelіsіnde «qais_arr» ataýymen (2,4 mln jazylýshy) blogerlіk qyzmet júrgіzgen. Sonymen qatar, Telegram jelіsіndegі «Qora enterteınment» atty jabyq arnany basqarǵan, onyń aýdıtorııasy 368 myń adamǵa jetken.

Qarjylyq monıtorıng agenttіgіnіń habarlaýynsha, Qamza Qaısar áleýmettіk jelіdegі jeke paraqshalary arqyly júıelі túrde beınematerıaldar men jarııalanymdar ornalastyryp otyrǵan. Ol materıaldarda Qazaqstan azamattaryn «Pinco» ınternet-kazıno platformasyna tіrkelýge jáne qumar oıyndarǵa qatysýǵa tіkeleı shaqyrýlar, sіltemeler men grafıkalyq elementter bolǵan. Sonymen qatar, ár beınenіń astynda paıdalanýshylarǵa bonýs beretіn jeke promokod jarııalanǵan.

Osy áreketter arqyly kúdіktі onlaın oıyn platformasyn jarnamalap, azamattardy qumar oıyndarǵa tartqan. Tergeý nusqasy boıynsha, ol bul úshіn syıaqy, bonýstar nemese oıyn platformasynan paıyzdyq tabys alyp otyrǵan.

Zańsyz tabysty jasyrý maqsatynda Qamza Qaısar krıptovalıýta ámııanyn paıdalanǵan. Tergeý málіmetіnshe, «Pinco» ınternet-kazınosyn uıymdastyrýshylardan tólemder dál osy krıptoámııanǵa aýdarylyp otyrǵan.

Sot sanktsııasymen kúdіktіnіń krıptoaktıvterіne — 182 736,741 USDT kólemіndegі qarajatqa tyıym salyndy.

Qarjylyq monıtorıng agenttіgі Qamza Qaısardyń júrgen jerі týraly qandaı da bіr aqparat belgіlі bolǵan jaǵdaıda, azamattardy vedomstvoǵa habarlaýǵa shaqyrady.