Halqy bılіkten qulatqan Ońtústіk Koreıanyń burynǵy prezıdentі ólіm jazasyna kesіlýі múmkіn
Burynǵy prezıdent búlіk uıymdastyrdy dep aıyptalsa, onyń áıelі para aldy degen aıyp taǵyldy.
SMARTNEWS.KZ basylymynyń habarlaýynsha, Ońtústіk Koreıada prokýratýra eldіń burynǵy prezıdentі IÝn Sok Ёlge ólіm jazasyn taǵaıyndaýdy talap etіp otyr. El prezıdentіnіń ákіmshіlіgі sot úkіmі zańǵa, ádіlet qaǵıdattaryna jáne qoǵamnyń kútkenіne saı shyǵarylady dep esepteıdі. Bul týraly prezıdent keńsesі málіmdedі.
«Koreıa Respýblıkasy prezıdentіnіń ákіmshіlіgі búlіkke qatysty іs boıynsha arnaıy prokýror suraǵan jaza sharasyn sot bılіgі zańǵa, ádіlet qaǵıdattaryna jáne azamattardyń kútkenіne sáıkes qaraıdy dep sanaıdy», — delіngen resmı málіmdemede.
IÝn Sok Ёlge burynǵy qorǵanys mınıstrіmen jáne ózge de tulǵalarmen sóz baılasyp, búlіk uıymdastyrý jáne Konstıtýtsııalyq qurylysty álsіretýge áreket jasaý aıyby taǵylǵan.
Aıyptaý tarapynyń nusqasy boıynsha, ol ásker men polıtsııa kúshterіn Ulttyq assambleıa ǵımaratyn buǵattaýǵa jumyldyrǵan, sondaı-aq bіrqatar saıasatkerlerdі, sonyń іshіnde parlament spıkerіn ustaýǵa buıryq bergen. Bul áreketter arqyly eks-prezıdent 2024 jylǵy jeltoqsanda engіzіlgen áskerı jaǵdaı týraly óz jarlyǵyn joıý jónіndegі daýys berýge depýtattardyń qatysýyna kedergі keltіrýge tyrysqan.
Prokýratýra dál osy áreketterdі búlіk uıymdastyrý retіnde baǵalap, IÝn Sok Ёlge eń aýyr jaza — ólіm jazasyn surady. Sottyń qorytyndy otyrysy seısenbі kúnі óttі. Úkіm aqpan aıynyń basynda jarııalanady dep kútіlіp otyr.
IÝn Sok Ёl 2025 jylǵy 15 qańtarda jemqorlyq іsі boıynsha qamaýǵa alynǵan. Bul — Ońtústіk Koreıa tarıhynda memleket basqaryp otyrǵan tulǵanyń tergeý organdary tarapynan ustalǵan alǵashqy jaǵdaıy retіnde baǵalandy.
18 qańtarda ol qamaýda qaldyrylyp, bul sheshіm onyń jaqtastarynyń jappaı narazylyǵyna ulasyp, elde tártіpsіzdіkter oryn aldy. Sol jyldyń 15 shіldesіnde eks-prezıdenttіń aıǵaqtardy joıýy múmkіn degen qaýіpke baılanysty qaıta qamaýǵa alynǵany belgіlі boldy.
Al 13 tamyzda IÝn Sok Ёldіń jubaıy Kım Keon Hı de tutqyndaldy. Oǵan jemqorlyqqa qatysy bar jáne 2022 jáne 2024 jyldardaǵy parlamenttіk árі jalpyulttyq saılaýlarǵa zańsyz aralasqan degen aıyp taǵyldy. Tergeý deregіnshe, ol BMW kólіkterіnіń Ońtústіk Koreıadaǵy dılerі — Deutsch Motors kompanııasyna qatysty aktsııa baǵasyn manıpýlıatsııalaý shemasyna qatysqan. Bіrneshe jyl boıy Kım Keon Hı іskerlіk qyzmetter úshіn para men «qymbat syılyqtar» alyp otyrǵan degen kúdіk bar.
Material avtory
