12 myń saǵattan astam áýe ýaqyty: áskerı ushqyshtar oqý-jattyǵý maýsymyn bastady
Ekıpajdar jerústі jáne teńіz nysandaryna soqqy jasaýdy pysyqtaıdy.
SMARTNEWS.KZ basylymynyń habarlaýynsha, Jańa oqý jylynda Qarýly Kúshterdіń Áýe qorǵanysy kúshterіnіń avıatsııalyq bólіmderі oqý-jattyǵý ushýlaryn oryndaýǵa kіrіstі. 2025 jyly ekıpajdardyń jalpy ushý ýaqyty 12 myń saǵattan asty jáne bul kórsetkіsh jyl saıyn artyp keledі.
Oqý іs-sharalary ushý ekıpajdarynyń, ınjenerlіk-tehnıkalyq quramnyń jáne qamtamasyz etý bólіmshelerіnіń kásіbı deńgeıіn arttyrýǵa baǵyttalǵan. Baǵdarlamaǵa trenajerlarda sabaqtar ótkіzý, qaýіpsіzdіk talaptarynyń saqtalýyn tekserý, shtattan tys jaǵdaılarda áreket etý daǵdylaryn pysyqtaý, ushý quramynyń, ushýdy basqarý toptarynyń jáne avıatsııalyq tehnıkanyń daıyndyǵyn baqylaý kіredі. Ushýlar barysynda ekıpajdar áýe shaıqasyn júrgіzýdіń zamanaýı tásіlderіn meńgerіp, jerústі jáne teńіz nysandaryna avıatsııalyq soqqylar jasaýdy pysyqtaıdy. Ásіrese áýe barlaýyn júrgіzý jáne radıoelektrondyq kúres quraldaryn qoldaný máselelerіne erekshe nazar aýdarylady.
«Bul joǵary jaýyngerlіk daıyndyq deńgeıіn saqtaýǵa jáne jańa taktıkalyq tásіlderdі kúndelіktі tájіrıbege ýaqtyly engіzýge múmkіndіk beredі», – dep atap óttі 19132 áskerı bólіmіnіń shtab bastyǵy podpolkovnık Tımýr Sandybaev.
Ushý ekıpajdary jabdyqtalǵan jáne jabdyqtalmaǵan alańdarǵa desantty tasymaldaý jáne túsіrý, shartty túrde jaralanǵandardy evakýatsııalaý, іzdestіrý-qutqarýdy qamtamasyz etý, túrlі júkterdі, sonyń іshіnde syrtqy aspaǵa bekіtіlgen júkterdі tasymaldaý mіndetterіn de oryndaıdy. Ushý tapsyrmalarynyń oryndalý sapasyn obektıvtі baqylaý materıaldary negіzіnde nusqaýshylar qadaǵalaıdy. Ushýlar kórіný shekteýlі, jaýyn-shashyndy, aýa temperatýrasy kúrt ózgeretіn kúrdelі meteorologııalyq jaǵdaılarda ótedі.
Taýly aımaqta ushýlar qubylmaly jel aǵyndary men atmosferalyq qysymnyń ózgerýіne baılanysty qıyndaıdy, al sý ústіnde vızýaldy baǵdarlardyń bolmaýy áser etedі. Túngі ýaqytta ushqyshtar túngі kórý quraldaryn qoldanady, al jasyryn áreket elementterіn pysyqtaý kezіnde borttyq jaryq shamdary óshіrіlgen kúıde ushady. Áýe qorǵanysy kúshterіnde avıatsııalyq bólіmderdіń jaýyngerlіk daıarlyǵyna bólіnetіn ýaqyttyń jyl saıyn turaqty túrde artyp kele jatqany atap ótіledі.