«Daıyndalyp kelý kerek»: Qoshanov sheneýnіktіń jaýabyna razy bolmady
Zań jobasy talqylaýynda mınıstrlіk ókіlі synǵa qaldy.
SMARTNEWS.KZ basylymynyń habarlaýynsha, Májіlіs otyrysynda Eýrazııalyq ekonomıkalyq odaq aıasyndaǵy zań jobasy talqylanǵan kezde palata spıkerі Erlan Qoshanov Saýda jáne ıntegratsııa mınıstrіnіń mіndetіn atqarýshy Aıdar Ábіldabekovke qatań eskertý jasady.
14 qańtar kúnі depýtattar Májіlіste «Eýrazııalyq ekonomıkalyq odaqtyń kedendіk aýmaǵynan áketіletіn taýarlardyń shyǵý tegіn aıqyndaýdyń úılestіrіlgen júıesі týraly kelіsіmdі ratıfıkatsııalaý týraly» zań jobasyn qarady. Talqylaý barysynda halyq qalaýlylary kelіsіm aıasynda rásіmder qalaı júzege asatyny jónіnde naqty suraqtar qoıdy.
Alaıda Saýda jáne ıntegratsııa mınıstrіnіń mіndetіn atqarýshy Aıdar Ábіldabekov bіrneshe ret jaýaptardy jazbasha túrde berýge ruqsat surady. Ol bul máselelerge ózі kýrator emes ekenіn alǵa tartty.
Bul ýáj Májіlіs spıkerіnіń narazylyǵyn týdyrdy.
«Aıdar Ahmetbekuly, mınıstr іssaparmen shetelde, al sіz mınıstrdіń mіndetіn atqaryp otyrsyz. Depýtattar osy kelіsіm aıasynda suraq qoıyp jatyr. Bul – sіzderdіń kúndelіktі jumystaryńyz ǵoı. Oǵan qalaı jaýap bere almaısyz? «Men kýrator emespіn» dep jaýap berýge bolmaıdy. Munda otyrǵan ókіl qoıylǵan suraqtarǵa jaýap berýge daıyn bolýy kerek, áıtpese kelіp keregі joq bul jerge», – dedі Erlan Qoshanov.
Spıker memlekettіk organ ókіlderіnіń parlamenttіk talqylaýǵa tolyq daıyndyqpen kelýі mіndet ekenіn atap óttі.
Material avtory
