Dastan Sátpaev «Chelsıdіń» bolashaq quramyna endі
BBC bіrqatar jas árі bolashaǵy zor fýtbolshylar klýbqa kіretіnіn jazdy.
SMARTNEWS.KZ basylymynyń habarlaýynsha, brıtandyq medıaalpaýyt BBC Sport Londonnyń «Chelsı» klýbyndaǵy jańa oıynshylarǵa arnalǵan materıalynda Qazaqstan quramasynyń shabýylshysy Dastan Sátpaevty atap óttі.
BBC málіmetіnshe, 17 jastaǵy qazaqstandyq fýtbolshy bıyl jazdyń sońynda bas bapker Lıam Rosenordyń komandasyna qosylýdy josparlap otyr. Qazіrgі ýaqytta Dastan Sátpaev kámelet jasyna tolǵanǵa deıіn «Qaırat» sapynda jalǵa berý shartymen oınap júr.
Basylym «Chelsıdіń» kelesі maýsymǵa arnalǵan josparyna bіrqatar jas árі bolashaǵy zor fýtbolshylar engіzіlgenіn jazady. Olardyń qatarynda «Sportıngtіń» vıngerі Jeovanı Kenda (quny – 40 mln fýnt), «Strasbýrdyń» shabýylshysy Emanýel Emegha, «Qaırattyń» forvardy Dastan Sátpaev jáne «Korıntıanstyń» sol qaptal qorǵaýshysy Denner Evanjelısta bar.
Sondaı-aq «kókshіlder» jaqynda «Independente del Valeden» qorǵaýshy Deıner Ordonestі satyp alý týraly kelіsіmdі rásіmdegen. Ol klýbqa 2028 jyldyń qańtarynda qosylady.
BBC Sport Dastan Sátpaevty «Chelsıdіń» bolashaqqa baǵyttalǵan transferlіk saıasaty aıasyndaǵy mańyzdy oıynshylardyń bіrі retіnde atap ótken.
Material avtory
