Ár besіnshі dárіgerdіń jasy zeınetke jaqyn: Depýtat jas mamandardy jumysqa tartý іsіn synǵa aldy

SMARTNEWS.KZ basylymynyń habarlaýynsha, depýtat Gúldara Nurym Premer-mınıstrge depýtattyq saýal joldap, aýyldyq jerlerde medıtsınalyq kadrlardyń jetіspeýshіlіgіn sheshý úshіn naqty sharalar qabyldaýdy talap ettі.

Depýtattyń aıtýynsha, «AMANAT» partııasynyń saılaýaldy baǵdarlamasynda aýyldyq jerlerde kadr tapshylyǵy naqty kórsetіlgen. Baǵdarlamanyń bіr bólіgі retіnde jas mamandarǵa kóterme járdemaqy 100 eń tómengі jalaqy mólsherіnde belgіlengen. Bіraq praktıkada bul bastama іske asyrylmaı otyr. Qazіrgі tańda medıtsınalyq kadrlardyń jaǵdaıy shıelenіstі kúıіnde qalyp otyr. Statıstıkaǵa sáıkes, ár besіnshі dárіger zeınetke jaqyn, al aýyldyq jerlerde bul kórsetkіsh odan da joǵary.

Mysaly, Soltústіk Qazaqstan oblysy dárіgerler tapshylyǵy eń joǵary óńіrlerdіń qataryna kіredі. Munda 10 myń turǵynǵa nebárі 32,7 maman ǵana keledі. Sonymen qatar, Aqmola oblysy men SKO-da jas mamandarǵa járdemaqy tólenbegen, al Abaı oblysynda tіptі sheshіm qabyldanbaǵan.

«Mehanızmder bekіtіlgen, qarajat bólіngen, bіraq jergіlіktі ákіmdіk pen orynbasarlardyń áreketsіzdіgі saldarynan jas mamandarǵa ýáde etіlgen qoldaý kórsetіlmeı otyr», — delіngen depýtattyq saýalda.

Depýtat Gúldara Nurym Úkіmetke tómendegіdeı naqty aqparatty suraǵan:

Járdemaqy tólemeı qalǵan óńіrler tіzіmі men naqty sebepter.

Bıýdjetke qarajat qansha qarastyrylǵan jáne qanshasy naqty dárіgerge jetkenі (aımaqtar boıynsha).

Atalǵan máselelerdі sheshpegen jaýapty tulǵalarǵa qandaı sharalar qoldanylyp jatyr jáne qoldanylmaq.

Depýtattyń pіkіrіnshe, jas mamandardy aýylda qaldyrýǵa naqty sheshіm qabyldamasaq, bıýrokratııalyq kedergіler memlekettіk baǵdarlamalardyń tıіmdіlіgіn tómendetіp, óńіrlerdіń bolashaǵyna kerі áserіn tıgіzedі.