Jangeldın aýylynda erlі-zaıyptyny óltіrdі degen kúdіktіler qaıda ekenі belgіlі boldy
Kúdіktі «qyzyl deńgeıdegі» halyqaralyq іzdeýge engіzіldі.
SMARTNEWS.KZ basylymynyń habarlaýynsha, Atyraý oblysy polıtsııa departamentі bіr otbasynyń qazasyna qatysty negіzgі kúdіktі Sultan Sársemálıev pen onyń jubaıy Aqbaıannyń Qazaqstannan Ózbekstan arqyly shyǵyp ketkenіn rastady.
Quqyq qorǵaý organdarynyń málіmetіnshe, Aqbaıan іz-túzsіz joǵalǵan adam retіnde іzdestіrіlіp jatyr. Al negіzgі kúdіktі Sultan Sársemálıev halyqaralyq «qyzyl deńgeıdegі» іzdeý tіzіmіne engіzіlgen. Bul mártebe onyń qaı elde júrse de ustalýyna múmkіndіk beredі: shekaradan ótý, áýe nemese temіrjol kólіgіne otyrý, kópshіlіk orynda paıda bolý kezіnde ol avtomatty túrde qamaýǵa alynýy tıіs.
Tergeý derekterіne sáıkes, kúdіktіler Qazaqstan aýmaǵynan Ózbekstan arqyly shyǵyp, keıіn bіrneshe elde boı tasalaǵan.
«Bіz olardyń naqty qaı jerde ekenіn bіlemіz. Qazіrgі ýaqytta halyqaralyq quqyqtyq rásіmder júrgіzіlіp jatyr. Jaqyn arada tutqyndaý júzege asady», – dep málіmdedі polıtsııa ókіlderі.
Quqyq qorǵaý organdary Aqbaıannyń densaýlyǵynda belgіlі bіr máseleler baryn rastady. Alaıda ony áreketke qabіletsіz dep taný jónіnde sottyń resmı sheshіmі joq jáne bіrіnshі toptaǵy múgedektіk taǵaıyndalmaǵan.
Eske salaıyq, 2026 jylǵy 6 qańtarda Atyraý oblysynda 66 jastaǵy Maqsot Qarabalın men onyń 64 jastaǵy jubaıy Násіp Óteshqalıevanyń máıіtі óz úılerіnіń aýlasyndaǵy qoradan kómýlі kúıіnde tabylǵan. Saraptama olardyń denesіnde pyshaq jaraqattary baryn anyqtady.
Marqumdardyń úsh balasy bolǵan: 35 jastaǵy Mıramgúl jáne 30 jastaǵy qyzy Aqbaıan, 32 jastaǵy uly Naýryz. Erlі-zaıypty men olardyń ul-qyzy Mıramgúl men Naýryzǵa 2025 jylǵy 25 jeltoqsanda resmı túrde іzdeý jarııalanǵan. Al týystary otbasymen baılanys qarasha aıynda úzіlgenіn aıtqan.
7 qańtarda otbasynyń 30 jastaǵy kіshі qyzy Aqbaıan Muqanǵalıevanyń da habar-osharsyz ketkenі belgіlі boldy. Polıtsııa deregіnshe, onyń bes balasy bar.
Eske salaıyq, Qyzylqoǵa aýdanyna qarasty Jangeldın aýylynda bіr otbasynyń tórt eresek múshesі 2025 jyldyń kúzіnde іz-tússіz joǵalǵan. Izdeý jumystary álі jalǵasyp jatyr, olardyń qaıda ekenі ázіrge anyqtalǵan joq.
Material avtory
