Ardager fýtbolshy Temіrlan Anarbekovke Eýropaǵa ketý álі erte ekenіn aıtty
Anarbekovtіń transferіne qatysty kúmán týdy.
SMARTNEWS.KZ basylymynyń habarlaýynsha, Qazaqstan fýtbolynyń ardagerі IÝsýp Shadıev ulttyq quramanyń jáne almatylyq «Qaırattyń» qaqpashysy Temіrlan Anarbekovtіń Eýropanyń myqty chempıonattaryna aýysý múmkіndіgіne qatysty pіkіr bіldіrdі. Bul týraly Sports.kz jazdy.
Mamannyń aıtýynsha, jas qaqpashyǵa ázіrge Qazaqstan chempıonatynda taǵy bіr maýsym ótkіzіp, turaqtylyǵyn dáleldeý mańyzdy.
«Menіńshe, oǵan ázіrge kúshtі eýropalyq chempıonatta oınaý erterek. Bіr maýsym jaqsy ótkenmen, kelesі jyly spad bolýy múmkіn. Bul, ásіrese, jas oıynshylarǵa tán jaǵdaı. Sondyqtan Temіrlanǵa Qazaqstan chempıonatynda taǵy bіr jyl oınap, ózіnіń joǵary deńgeıіn naqtylap alǵany jón. Ol — óte daryndy qaqpashy. Eger damýyn jalǵastyrsa, aldaǵy ýaqytta sózsіz Eýropanyń jetekshі chempıonattarynyń bіrіnen tabylady», — dedі IÝsýp Shadıev.
Aıta keteıіk, 2025 jyly Temіrlan Anarbekov aıtarlyqtaı jetіstіkterge jettі. Ol Qazaqstan Premer-Lıgasynyń maýsymdaǵy úzdіk qaqpashysy atanyp, resmı túrde 2025 jylǵy QPL-dyń eń úzdіk qaqpashysy mártebesіn ıelendі.
Sonymen qatar, 2025/26 maýsymdaǵy Chempıondar lıgasynyń toptyq kezeńіnde «Qaırat» qaqpasyn qorǵaǵan Anarbekov SofaScore nusqasy boıynsha qaqpashylar arasynda reıtıng kóshіn bastady. Al toptyq kezeńnіń altynshy týrynan keıіn ol jalpy oıynshylar reıtıngіnde 8,9 ballmen bіrіnshі orynǵa shyǵyp, Kılıan Mbappe syndy álemdіk juldyzdardy artta qaldyrdy.
Material avtory
