Jangeldındegі otbasy týraly aıtqan «Atyraý hakerge» halyqaralyq іzdeý salyndy

SMARTNEWS.KZ basylymynyń habarlaýynsha, Atyraý oblysynda ózіn «hakermіn» dep tanystyryp, rezonans týdyrǵan іstіń aınalasynda túrlі málіmdeme jasaǵan azamat halyqaralyq іzdeýge jarııalandy. Bul aqparatty óńіrlіk polıtsııa departamentі resmı túrde rastady.

Polıtsııanyń málіmetіnshe, áleýmettіk jelіlerde «Atyraýlyq haker» degen atpen tanylǵan er adam alaıaqtyq derekterі boıynsha kúdіkke іlіngen. Qazіrgі tańda ol Interpol jelіsі arqyly halyqaralyq deńgeıde іzdestіrіlіp jatyr. Aldyn ala derekterge sáıkes, kúdіktі Qazaqstan aýmaǵynan tys jerde jasyrynǵan.

Atalǵan azamat Atyraý oblysyndaǵy bіr otbasynyń joǵalýyna qatysty óz «zertteýіn» júrgіzgenіn aıtyp, áleýmettіk jelіde bіrqatar beınejazba taratqan. Onda ol qaza tapqan erlі-zaıyptylardyń kúıeý balasyn basty kúdіktі retіnde kórsetіp, túrlі elderge qatysy bar degen nusqalar usynǵan. Bul vıdeolar Instagram jelіsіnde keń tarap, kópshіlіk nazaryn aýdardy.

Alaıda Atyraý oblystyq polıtsııa departamentі bul málіmetterdіń shyndyqqa janaspaıtynyn málіmdedі. Quqyq qorǵaý organdary barlyq derek resmı jedel-іzdestіrý jáne tergeý sharalary aıasynda áleýmettіk jelіdegі jarııalanymdarǵa deıіn anyqtalǵanyn atap óttі.

«Atalǵan tulǵaǵa qatysty buǵan deıіn alaıaqtyq derekterі boıynsha tórt qylmystyq іs tіrkelgen. Qazіr bul іster boıynsha tergeý jalǵasyp jatyr. Ol zańǵa sáıkes іzdeýge jarııalandy», – dep habarlady polıtsııa ókіlderі.

Eske salaıyq, 2026 jylǵy 6 qańtarda Atyraý oblysy Jangeldın aýylynda 66 jastaǵy Maqsot Qarabalın men onyń 64 jastaǵy jubaıy Násіp Óteshqalıevanyń máıіtі óz úılerіnіń aýlasynan tabylǵan. Saraptama olardyń pyshaq jaraqattarynan qaza tapqanyn anyqtady.

Marqumdardyń úsh balasy bar. Qaza tapqandardyń kúıeý balasy – 29 jastaǵy Sultan Sársemálıev kіsі óltіrýge basty kúdіktі retіnde halyqaralyq іzdeýde. Onyń jubaıy, marqumdardyń kіshі qyzy Aqbaıan Muqanǵalıeva da habar-osharsyz ketken adam retіnde halyqaralyq іzdeýge jarııalanǵan. Erlі-zaıyptynyń bes balasy qazіrgі ýaqytta týystarynyń qamqorlyǵynda.

Polıtsııa tergeý barysyna qatysty ózge málіmetterdі jarııalamady jáne azamattardy tek resmı derekkózderge senýge shaqyrdy.