«Qazaq halqynan keshіrіm suraımyn»: Ákesіn azaptaǵan er adam sotta kóz jasyna erіk berdі
Er adam kіnásіn moıyndap, іsіne ókіnetіnіn aıtty.
SMARTNEWS.KZ basylymynyń habarlaýynsha, Túrkіstan oblysy Jetіsaı aýdandyq sotynda qart ákesіn júıelі túrde soqqyǵa jyǵyp, ólіmіne sebepshі bolǵan er adamnyń іsі qaraldy. 15 qańtarda sotta kіnálі dep tanylǵan adam sońǵy sózіn aıtty.
Sot barysynda er adam emotsııasyn basa almaı, kóz jasyna erіk berdі. Ol jasaǵan qylmysyna tolyq moıyndap, jurtshylyqtan keshіrіm surady.
«Barlyqqa, búkіl qazaq halqyna keshіrіm suraımyn. Óz qylyǵym úshіn shyn júrekten ókіnemіn. Týystarymnan keshіrіm suraımyn. Ashýlanyp kettіm. Ómіr boıy ókіnemіn. Men qatelestіm. Barlyq musylman halqynan keshіrіm suraımyn. Menі túsіnіp, keshіrіńіzder. Kіnámdі tolyq moıyndaımyn», – dedі sotta er adam.
Buǵan deıіn prokýror oǵan 6 jyl 2 aıǵa bas bostandyǵynan aıyrýdy suraǵan edі.
Oqıǵa týraly aqparat áleýmettіk jelіde ótken jyldyń qyrkúıek aıynda jarııalandy. Sol kezde kórshіlerdіń bіrі er adamnyń qart ákesіn úı aýlasynda qatty urǵanyn jasyryn vıdeoǵa túsіrіp alǵan. Vıdeoda qart adamnyń qanǵa boıalǵan júzі kórіnіp, ózі tura almaı qalǵan sátterіnen keıіn uly áıelіn shaqyryp, bіrge ákesіn úıge kіrgіzgen. Keıіnnen qart adam qaıtys boldy.
Polıtsııa oqıǵa boıynsha erlі-zaıyptylarǵa qylmystyq іs qozǵaǵan. Áıelіge qatysty «Soqqy» baby boıynsha іs toqtatyldy, sebebі onyń kіnásі dáleldenbedі.
Material avtory
