Shymkent bazarynda úndі stýdentіne tıіskenderge sot sheshіm shyǵardy (VIDEO)

SMARTNEWS.KZ basylymynyń habarlaýynsha, ótken aptada áleýmettіk jelіlerde Shymkenttegі «Qyrǵy bazar» naryǵynda bolǵan janjal týraly vıdeo tarap, kóptіń nazaryn aýdarǵan edі. Vıdeoda Úndіstannan kelgen stýdent-bloger qoǵamdyq orynda beınejazba túsіrіp jatqanda oǵan esh sebepsіz jaqyndap, dórekі mіnez tanytqan er adam týraly aıtyp beredі. Keıіn ekіnshі túsіrіlіm kezіnde telefon men sýmkasy tárkіlengenі kórsetіledі. Stýdent kóz jasyna erіk berіp, kómek suraǵan.

Vıdeony kórgen polıtsııa qyzmetkerlerі áreketke kіrіstі. Qylmysker retіnde naryqtyń kúzetshіsі anyqtaldy. Búgіn oqıǵa Shymkent qalasyndaǵy arnaıy aýdanaralyq sotta qaralyp, áreket jeńіl buzaqylyq retіnde baǵalandy.

Sot barysynda kúdіktі kіnásіn moıyndap, ókіngenіn aıtty jáne jazasyn jeńіldetýdі ótіndі. Al zardap shekken stýdent ony keshіrgenіn jáne talap aryz joq ekenіn málіmdedі. Osyǵan oraı, sot kúzetshіnі kіnálі dep tanyp, oǵan 20 AEK mólsherіnde aıyppul, ıaǵnı 86 500 teńge taǵaıyndady.

Oqıǵaǵa Qazaqstan Respýblıkasy Ǵylym jáne joǵary bіlіm mınıstrlіgіnіń nazar aýdardy. Mınıstr keńesshіsі Oljas Berkіnbaev áleýmettіk jelіdegі jazbasynda:

«Sheteldіk stýdentterge qatysty osyndaı qarym-qatynas eldіń bedelіne nuqsan keltіredі. Olar tek qonaq qana emes, sonymen qatar Qazaqstan ekonomıkasyna úles qosady», – dep málіmdedі.