RUS
Túrkіstan oblystyq kásіpkerlіk jáne ónerkásіp basqarmasy basshysynyń orynbasary Nurgúl Ábdіrazaqovanyń aıtýynsha, óńіrdegі munaı saqtaý qoımalarynda AI-92 markaly benzınіnіń 6 kúnge jetkіlіktі, dızeldіk otynnyń 8 kúnge jetkіlіktі qory bar.
Ózbekstan Respýblıkasymen shektesetіn Saryaǵash, Qazyǵurt jáne Maqtaaral aýdandarynda janar-jaǵarmaıdyń kórshі elderge zańsyz satylymyna jol bermeýdі qadaǵalaıtyn jumys toby qurylǵan. Sonymen qatar, oblys aýmaǵynda 6 sáýіrden bastap janar-jaǵarmaı quıý stantsııalaryna qatysty reıdtіk іs-sharalar júrgіzіlіp jatyr. Nátıjesіnde, bіraz kemshіlіk pen zańsyzdyq anyqtaldy.
Túrkіstan oblysy ákіmdіgіnde janar-jaǵarmaı tapshylyǵynyń aldyn alý baǵytynda atqarylyp jatqan jumystar saralanyp, ózektі máselelerі talqylandy.
Jıynda Túrkіstan oblysy ákіmі apparatynyń basshysy Erkeǵalı Álіmqulov oblystyń keıbіr aýdandaryndaǵy janarmaı beketterіnde AI-92 markaly benzın jáne dızel otynyna tapshylyq baıqalǵandyǵyn jetkіzdі.
«Aýdan, qala ákіmdіkterі janarmaı tapshylyǵyn boldyrmaý maqsatynda jumys tobynyń qyzmetіn jandandyrýy tıіs. Janarmaı taratý operatorlary men janarmaı quıý beketі ıelerіnen munaı ónіmderі naryǵyndaǵy jáne basqa da zańdylyqtardy qatań saqtaýlaryn suraımyz. Sonymen qatar, jasandy tapshylyq pen baǵanyń negіzsіz ósýіne jol bermeýge shaqyramyn. Adal bıznes pen básekelestіk, árdaıym memleket qorǵaýynda bolady, qoldaý kórsetemіz. Al, munaı naryǵyndaǵy zańsyzdyqtarǵa sharalar qabyldanady», - dedі Erkeǵalı Álіmqulov.
Májіlіste janar-jaǵarmaı stantsııasynyń ıelerі, kásіpkerler, oblystyq janar-jaǵarmaı assotsıatsııasynyń ókіlderі usynystaryn aıtty.