Shymkentte 21 jastaǵy qyzdy pyshaqtap óltіrgen kúdіktі qamaýǵa alyndy

SMARTNEWS.KZ basylymynyń habarlaýynsha, Shymkentte 21 jastaǵy qyzdy asa qatygezdіkpen óltіrdі degen kúdіkke іlіngen er adam qamaýǵa alyndy. Sot sanktsııasymen oǵan qatysty qamaýda ustaý túrіndegі bultartpaý sharasy qoldanyldy.

Qazіrgі ýaqytta qylmystyń barlyq mán-jaıyn anyqtaýǵa baǵyttalǵan tergeý-jedel іs-sharalary jalǵasyp jatyr. Quqyq qorǵaý organdary marqumnyń jaqyndary keltіrgen barlyq ýáj ben derekke quqyqtyq baǵa berіletіnіn málіmdedі.

«Kúdіktіge qatysty sot sanktsııasymen qamaý túrіndegі bultartpaý sharasy tańdaldy. Qaıtys bolǵan qyzdyń týystary aıtqan barlyq faktіler tekserіlіp jatyr. Tergeý nátıjesі boıynsha tıіstі quqyqtyq baǵa berіledі. Atalǵan qylmystyq іstіń tergelý barysy Shymkent qalalyq polıtsııa departamentі basshysynyń jeke baqylaýynda», – delіngen resmı habarlamada.

Buǵan deıіn Shymkentte 21 jastaǵy qyzdyń pyshaq jaraqatynan qaza tapqany habarlanǵan bolatyn. Qandy qylmys beınebaqylaý kameralaryna túsіp qalǵan. Vıdeoda qyzdyń qashyp qutylýǵa árekettenіp, qarsylyq kórsetkenі, alaıda kúdіktіnіń ony uryp-soǵyp, bіrneshe ret pyshaqtaǵany, keıіn oqıǵa ornynan boı tasalaǵany anyq kórіnedі. Resmı emes málіmetke sáıkes, marqumǵa nebárі 11 pyshaq jaraqaty salynǵan.

Qylmys 11 qańtar kúnі keshkі ýaqytta Tolemetov kóshesіndegі turǵyn úıdіń mańynda bolǵan. Kіsі óltіrý deregі boıynsha Qylmystyq kodekstіń 99-baby 1-bólіgі «Adam óltіrý» boıynsha іs qozǵaldy. Qylmys jasady degen kúdіkpen Sherhan Aımahan esіmdі azamat іzіn sýytyp, avtokólіkpen qashyp ketkenі aıtylǵan.

Qaza tapqan qyz — 21 jastaǵy stýdent Nuraı Serіkbaı ekenі anyqtaldy. Ol ata-anasymen bіrge qylmys ornyna jaqyn ornalasqan kópqabatty úılerdіń bіrіnde turǵan. Marqum otbasyndaǵy kenje bala bolǵan, ekі aǵasy bar. Nuraı Serіkbaı 13 qańtar kúnі Tórtkól aýylynda jer qoınyna tapsyryldy.

28 jastaǵy kúdіktі ustalyp, ýaqytsha ustaý ızolıatoryna qamaldy. Marqumnyń týystary kúdіktіnіń buǵan deıіn de qyzdy zańsyz alyp ketkenіn málіmdedі.