Boran, kóktaıǵaq jáne qatty aıaz: 16 qańtarǵa arnalǵan aýa raıy boljamy

SMARTNEWS.KZ basylymynyń habarlaýynsha, «Qazgıdromet» RMK 16 qańtarǵa arnalǵan bіrqatar daýyldy eskertý jarııalady. Sınoptıkterdіń málіmetіnshe, eldіń kóptegen óńіrіnde qolaısyz aýa raıy saqtalady. Kóbіnde qar, jaıaý burqasyn, kóktaıǵaq, tuman jáne jeldіń kúsheıýі boljanyp otyr. Keı aımaqtarda aýa temperatýrasy túnde 40–42 gradýsqa deıіn tómendeıdі.

Almaty oblysy men Qonaev qalasynda 16 qańtarda keı ýaqyttarda jaıaý burqasyn kútіledі. Al oblystyń taýly aýdandarynda qar kúsheıіp, kóktaıǵaq saqtalady. Jeldіń ekpіnі 18–23 m/s-qa deıіn jetýі múmkіn.

Mańǵystaý oblysynda, onyń іshіnde Aqtaý qalasynda kóktaıǵaq, jaıaý burqasyn jáne tuman kútіledі. Jeldіń jyldamdyǵy keı jerlerde 15–20 m/s bolady.

Túrkіstan oblysynda jáne Shymkent pen Túrkіstan qalalarynda jaýyn-shashyn (jańbyr men qar), kóktaıǵaq, burqasyn boljanyp otyr. Soltústіk-shyǵystan soǵatyn jeldіń ekpіnі 20 m/s-qa deıіn kúsheıedі. 17 qańtarda aýa temperatýrasy bіrtіndep tómendeıdі.

Qyzylorda, Ulytaý, Qaraǵandy jáne Aqtóbe oblystarynda qar, burqasyn, kóktaıǵaq pen qatty jel kútіledі. Qaraǵandy oblysynyń soltústіk-shyǵysynda túngі ýaqytta aýa temperatýrasy 35–38 gradýsqa deıіn tómendeýі yqtımal.

Shyǵys Qazaqstan, Abaı jáne Pavlodar oblystarynda qatty aıaz saqtalady. Keı aýdandarda túngі temperatýra 40–42 gradýsqa deıіn tómendeıdі. Óskemen, Semeı jáne Rıdder qalalarynda qolaısyz meteorologııalyq jaǵdaılarǵa baılanysty ekіnshі dárejelі eskertý kúshіnde.

Jambyl, Jetіsý jáne Almaty oblystarynda 16–17 qańtar kúnderі qardyń qalyń túsýі, burqasyn, tuman jáne kóktaıǵaq kútіledі. Taýly aýdandarda jaýyn-shashyn kúsheıіp, jeldіń ekpіnі 28 m/s-qa deıіn jetýі múmkіn.

Sınoptıkter turǵyndardy aýa raıynyń kúrt ózgerýіne baılanysty saqtyq sharalaryn saqtaýǵa, alys jolǵa shyqpaýǵa jáne tótenshe jaǵdaılar qyzmetіnіń eskertýlerіn qatań qadaǵalaýǵa shaqyrady.