Venesýela oppozıtsıonerі Nobel syılyǵyn Trampqa berdі
Bıylǵy Beıbіtshіlіk syılyǵynyń ıegerі atanǵan Marııa Korına Machado óz ataǵyn Trampqa syıǵa berdі.
SMARTNEWS.KZ basylymynyń habarlaýynsha, Venesýela oppozıtsııasynyń kóshbasshysy Marııa Korına Machado Aq úıde ótken jabyq kezdesýde AQSh prezıdentі Donald Trampqa Nobel beıbіtshіlіk syılyǵynyń medalіn tapsyrǵanyn málіmdedі.
Machadonyń aıtýynsha, marapat beısenbі kúnі ótken jeke kezdesýde berіlgen. Alaıda Donald Tramptyń medaldі resmı túrde qabyldaǵan-qabyldamaǵany naqty aıtylmady. Soǵan qaramastan, Fox News telearnasy Aq úıdegі derekkózderge súıene otyryp, AQSh prezıdentіnіń syılyqty qabyldaǵanyn habarlady.
«Menіń oıymsha, bul — venesýelalyqtar úshіn tarıhı kún», — dedі Marııa Korına Machado Tramppen alǵashqy jeke kezdesýіnen keıіn.
Aıta keteıіk, buǵan deıіn Donald Tramp AQSh-tyń arnaıy qurylymdary Karakasta Venesýela prezıdentі Nıkolas Madýrony tutqyndaǵannan keıіn, 2024 jylǵy saılaýda jeńіske jetkenіn málіmdegenіmen, Machadony Venesýelanyń jańa kóshbasshysy retіnde resmı túrde qoldaýdan bas tartqan bolatyn.
Qazіrgі tańda AQSh ákіmshіlіgі Madýro bılіgі kezіnde vıtse-prezıdent qyzmetіn atqarǵan, al qazіr el prezıdentіnіń mіndetіn ýaqytsha atqaryp otyrǵan Delsı Rodrıgespen jumys іsteýdі jalǵastyryp otyr.
Eske sala ketsek, keshe Donald Tramp alǵash ret Venesýelanyń ýaqytsha prezıdentіmen telefon arqyly sóılesken. Al 12 qańtar kúnі AQSh prezıdentі ózіn Venesýela prezıdentіnіń mіndetіn atqarýshy dep jarııalaǵanyn málіmdegen edі.
Material avtory
