Avtobýspen Máskeýden Tashkentke bet alǵan sheteldіkter jolda úsіp qaldy
Avtobýs Aqtóbe oblysynda toqtap qalǵan.
SMARTNEWS.KZ basylymynyń habarlaýynsha, Aqtóbe oblysynda Máskeýden Tashkentke baǵyt alǵan jolaýshylar avtobýsynyń іshіndegі adamdar qutqaryldy. Avtobýsta Ózbekstan azamattary men bіrneshe qazaqstandyq bolǵan. Bul týraly QR Tótenshe jaǵdaılar mınıstrlіgі habarlady.
Vedomstvo málіmetіnshe, 16 qańtar kúnі tańerteń Aqtóbe oblysynyń Yrǵyz aýdanynda, «Reseı – Aqtóbe – Qyzylorda – Almaty – QHR» avtojolynyń 1094-shaqyrymynda jolaýshylar avtobýsy tehnıkalyq aqaýǵa ushyraǵan. Avtobýs Máskeý–Tashkent baǵytymen júrgen.
Oqıǵa ornyna jedel túrde TJM kúshterі men quraldary jіberіlgen. Qutqarýshylar іsten shyqqan avtobýstan 13 adamdy evakýatsııalap, Qalybaı aýyly mańyndaǵy kempıngke jetkіzgen. Olardyń tórteýі – balalar.
Avtobýs іshіnde ekі Qazaqstan azamaty jáne 11 Ózbekstan azamaty bolǵan. Qutqarylǵan jolaýshylar medıtsınalyq kómekke muqtaj bolmaǵan.
Tótenshe jaǵdaılar mınıstrlіgі jaǵdaı tolyq baqylaýda bolǵanyn, adamdardyń ómіrі men densaýlyǵyna qaýіp tónbegenіn atap óttі.
Material avtory
