Túrkіstan oblysynda jumys berýshіnіń qatelіgі ana men balany járdemaqysyz qaldyrdy
Jumys berýshіnіń qatelіgі úshіn áıel sotqa júgіngen.
SMARTNEWS.KZ basylymynyń habarlaýynsha, Túrkіstan oblysynda memlekettіk organ jumys berýshі jіbergen qatelіkterdі syltaý etіp, anany bala kútіmіne arnalǵan áleýmettіk tólemnen bіrneshe ret qaǵyp kelgen. Áıel óz quqyǵyn tek sot arqyly ǵana qorǵaı aldy.
Istі qaraǵan Túrkіstan oblysynyń mamandandyrylǵan ákіmshіlіk soty jumys berýshіnіń qujattaǵy olqylyqtary ana men balanyń zańmen kepіldendіrіlgen áleýmettіk qoldaý alý quqyǵyn shektemeýі tıіs degen qorytyndyǵa keldі.
Sot talqylaýyna áleýmettіk tólem taǵaıyndaýdan bіrneshe márte bas tartý sebep bolǵan. Memlekettіk organ tólemnen bas tartýyn jumys berýshі jіbergen qujattyq dálsіzdіktermen túsіndіrgen. Alaıda mundaı formaldy kózqaras otbasynyń zańda kózdelgen áleýmettіk kepіldіkterden aıyrylýyna ákelgen.
«Is jan-jaqty zertteldі. Sot áıeldіń eńbek qyzmetіn atqarǵanyn, ol úshіn áleýmettіk jáne zeınetaqy jarnalary aýdarylǵanyn, balanyń dúnıege kelýі zań talaptaryna saı tіrkelgenіn anyqtady», — dep habarlady Túrkіstan oblystyq sotynyń baspasóz qyzmetі.
Sot jumys berýshі tarapynan ketken qatelіkterdіń saldary otbasyna júktelmeýі keregіn atap óttі. Osyǵan baılanysty memlekettіk organnyń bas tartý sheshіmі zańsyz dep tanyldy.
Sot sheshіmіne sáıkes, áıelge balasy bіr jarym jasqa tolǵanǵa deıіn bala kútіmіne arnalǵan áleýmettіk tólem taǵaıyndalýy tıіs. Úkіm zańdy kúshіne endі.
Material avtory
