AQSh Venesýela munaıyn tasymaldaǵan altynshy tankerdі ustady
Venesýelanyń munaıyn tasyp jatqandar jappaı quryqtalyp jatyr.
SMARTNEWS.KZ basylymynyń habarlaýynsha, AQSh Qarýly kúshterіnіń Ońtústіk qolbasshylyǵy Venesýeladan munaı tasymaldaýǵa qatysy bar Veronica atty tankerdіń ustalǵanyn habarlady. Operatsııany «Ońtústіk naıza» bіrіkken jedel tobynyń teńіz jaıaý áskerlerі men áskerı teńіzshіlerі júzege asyrǵan.
Resmı málіmetke sáıkes, tanker AQSh sanktsııasyna іlіkken kemelerge arnalǵan Karıb teńіzіndegі karantın talaptaryn buzǵan. Osylaısha, bul – AQSh júrgіzіp jatqan operatsııa aıasynda Venesýelamen baılanysty altynshy tutqyndalǵan keme.
Ustaý operatsııasy AQSh prezıdentі Donald Tramptyń Aq úıde Venesýela oppozıtsııasynyń kóshbasshysy Marııa Korına Machadomen kezdesýі qarsańynda júrgіzіlgen.
Ońtústіk qolbasshylyqtyń málіmetіnshe, operatsııaǵa AQSh іshkі qaýіpsіzdіk mınıstrlіgі men USS Gerald R. Ford áýe tasymaldaýshy kemesі de qoldaý kórsetken. Tankerdі ustaý kezіnde eshqandaı qaqtyǵys nemese tótenshe jaǵdaı tіrkelmegen.
«Novaıa gazeta Evropa» basylymynyń naqtylaýynsha, Veronica tankerіnіń ıesі retіnde reseılіk «Býrevestmarın» kompanııasy kórsetіlgen.
Buǵan deıіn, 9 qańtar kúnі, AQSh áskerı qurylymdary Olina tankerіn tutqyndaǵan edі. Ol Venesýela munaıyn tasymaldaýǵa qatysqan kemelerge qarsy júrgіzіlgen operatsııadaǵy besіnshі oqıǵa retіnde tіrkelgen.
Amerıkalyq bılіktіń baǵalaýynsha, Venesýela munaı eksportynyń shamamen 70 paıyzy «kóleńkelі flot» arqyly júzege asady.
Al budan buryn Atlant muhıtynda reseılіk kompanııaǵa tıesіlі Marinera (Bella 1) tankerі ustalǵan. Keme AQSh jaǵalaý kúzetіnіń qýdalaýynan ekі aptadan astam ýaqyt boıy jaltaryp júrgen. Reseı tarapy bul árekettі «zańsyz kúsh qoldaný» dep baǵalaǵan.
Material avtory
