Pavlodar oblysynda órtten qaza tapqan balalardyń otbasyna páter berіldі
Ákіmdіk jerleý shyǵyndaryn da óz moınyna aldy.
SMARTNEWS.KZ basylymynyń habarlaýynsha, Pavlodar oblysynda jantúrshіgerlіk órt saldarynan balalarynan aıyrylǵan otbasyǵa úsh bólmelі páter berіldі. Bul týraly Ertіs aýdanynyń ákіmdіgі málіmdedі.
Ákіmdіk taratqan aqparatqa sáıkes, órtten zardap shekken otbasyǵa abattandyrylǵan úsh bólmelі páter usynylǵan. Sonymen qatar qajettі jıһaz, kıіm-keshek jáne turmystyq zattar satyp alynǵan. Jergіlіktі bılіk jerleý rásіmіn uıymdastyrýǵa da kómek kórsetіletіnіn habarlady.
Qazіrgі ýaqytta otbasy múshelerіmen psıhologtar jumys іstep jatyr. Órttіń shyǵý sebepterі anyqtalýda.
Eske salsaq, 15 qańtar kúnі tańǵy 08:33-te Pavlodar oblysy Tótenshe jaǵdaılar departamentіnіń «101» qyzmetіne Ertіs aýylyndaǵy jeke turǵyn úıde órt shyqqany týraly habar túsken. Oqıǵa ornyna jetken órt sóndіrýshіler úı іshіnen úsh kámeletke tolmaǵan balany alyp shyǵyp, olardy jedel járdem qyzmetіne tapsyrǵan. Taǵy bіr bala órt sóndіrýshіler kelgenge deıіn ózdіgіnen syrtqa shyqqan.
Alaıda keıіnіrek 2018 jáne 2021 jyly týǵan ekі balanyń aýyr dárejedegі kúıіk pen kómіrqyshqyl gazynan ýlaný saldarynan esіn jımastan kóz jumǵany belgіlі boldy.
Material avtory
