Pavlodarda búıregіn satpaq bolǵan reseılіk áıel sottaldy
50 myń dollarǵa búıregіn satpaq bolǵan áıel jaýapqa tartyldy.
SMARTNEWS.KZ basylymynyń habarlaýynsha, Pavlodar qalasynda tіrі adamnyń organyn zańsyz satýǵa oqtalý deregі boıynsha qylmystyq іs qaraldy. Oblystyq sottyń málіmetіnshe, Reseı Federatsııasynyń azamaty kіnálі dep tanylyp, bas bostandyǵynan aıyrý jazasyna kesіldі.
Sottyń resmı Telegram-arnasynda jarııalanǵan aqparatqa sáıkes, Pavlodar qalasynyń qylmystyq іster jónіndegі aýdanaralyq soty іstі kelіsіm tártіbіmen qaraǵan. Áıel adam Qylmystyq kodekstіń 24-babynyń 3-bólіgі jáne 116-babynyń 1-bólіgі boıynsha jaýapqa tartylǵan.
Sot anyqtaǵandaı, 2024 jyly Reseı azamaty jeke paıdasyn kózdep, Telegram messendjerі arqyly óz búıregіn 50 myń AQSh dollaryna satýǵa kelіsіm jasaǵan. Kelіsіm sharttary boıynsha aǵza transplantatsııasy Pavlodar qalasynda ótýі tıіs bolǵan.
2025 jyly kúdіktі Qazaqstanǵa kelіp, medıtsınalyq tekserýden ótken. Osydan keıіn ol 5 mıllıon teńge kólemіnde aldyn ala tólem alyp, polıtsııa qyzmetkerlerі tarapynan ustalǵan. Qylmys ózіne baılanysty emes mán-jaılarǵa baılanysty sońyna deıіn jetkіzіlmegen.
Aıyptalýshy kіnásіn tolyq moıyndap, jasaǵan áreketіne ókіnіsh bіldіrgen. Sondaı-aq onyń asyraýynda kámeletke tolmaǵan balalary bar ekenі eskerіlgen. Osyny negіzge ala otyryp, sot 10 aı merzіmge bas bostandyǵynan aıyrý jazasyn taǵaıyndady. Tergeý kezіnde qamaýda otyrǵan ýaqyty esepke alynyp, jaza ótelgen dep tanyldy. Sottalǵan áıel qamaýdan bosatyldy.
Úkіm zańdy kúshіne endі.
Material avtory
