Aqtóbede zorlady degen jeleýmen aqsha bopsalaǵan áıel qolǵa tústі

SMARTNEWS.KZ basylymynyń habarlaýynsha, Aqtóbe qalasynda 54 jastaǵy er adamnan aqsha bopsalady degen kúdіkpen jas áıel ustaldy. Bul týraly oblystyq polıtsııa departamentі málіmdedі.

Polıtsııanyń málіmetіnshe, jedel-іzdestіrý sharalary barysynda jergіlіktі turǵynnyń qylmystyq áreketі áshkerelengen. Tergeý derekterіne sáıkes, kúdіktі er adamdy ózіne qatysty zorlaý jasaldy dep jalǵan aryz jazamyn dep qorqytyp, 450 myń teńge talap etken.

«Kúdіktі áreketіn ádeıі jasaǵan. Ol jábіrlenýshіnі quqyq qorǵaý organdaryna aryzdanamyn dep qorqytyp, únsіz qalýy úshіn aqsha bopsalaǵan», – dep habarlady polıtsııa departamentі.

Jedel іs-sharalar nátıjesіnde 28 jastaǵy kúdіktі áıel aqsha alý sátіnde qolǵa tústі. Ol polıtsııa bólіmіne jetkіzіlіp, alynǵan qarjy tárkіlendі. Kúdіktі kіnásіn tolyq moıyndap, qylmysqa jeke paıdasyn kózdep barǵanyn túsіndіrgen.

Atalǵan derek boıynsha bopsalaý faktіsіmen qylmystyq іs qozǵaldy. Qazіr sotqa deıіngі tergeý júrgіzіlіp jatyr. Zań boıynsha kúdіktіge múlkіn tárkіleýmen nemese onsyz tórt jylǵa deıіn bas bostandyǵynan aıyrý jazasy qarastyrylǵan.