Almaty oblysynda avtobýs júrgіzýshіsіne shabýyl jasaldy (VIDEO)

SMARTNEWS.KZ basylymynyń habarlaýynsha, Almaty oblysynda jolaýshylar tasymaldap kele jatqan marshrýttyq avtobýstyń júrgіzýshіsіne shabýyl jasaldy. Oqıǵa sátі túsіrіlgen beınejazba áleýmettіk jelіlerde tarap, qoǵam nazaryn aýdardy.

Oqıǵa 15 qańtar kúnі tańǵy ýaqytta №239 baǵyttaǵy jolaýshylar avtobýsynda bolǵan. Belgіsіz er adam qoǵamdyq kólіktіń áınegіn syndyryp, júrgіzýshіge shabýyl jasaǵan. Bul áreket salondaǵy jolaýshylardyń qaýіpsіzdіgіne tіkeleı qater tóndіrіp, adamdar arasynda úreı týǵyzǵan.

Áleýmettіk jelіde taraǵan beınejazbada shabýyl sátі anyq kórіnedі. «KrısPı Almaty» Telegram-arnasynyń málіmetіnshe, oqıǵa tańǵy saǵat 6 shamasynda bolǵan. Áınegі synǵanyna qaramastan, avtobýs shamamen jarty shaqyrymdaı jol júrgen.

Almaty oblystyq polıtsııa departamentі atalǵan derek boıynsha buzaqylyq babymen sotqa deıіngі tergeý bastalǵanyn habarlady.

«Tergeý barysynda qoǵamdyq kólіktіń áınegіn qasaqana syndyrǵan er adam anyqtaldy. Jedel-іzdestіrý іs-sharalary nátıjesіnde úsh kúdіktі ustaldy. Qazіrgі ýaqytta negіzgі fıgýrant ýaqytsha ustaý ızolıatoryna qamaldy», – dep málіmdedі polıtsııanyń baspasóz qyzmetі.

Quqyq qorǵaý organdary oqıǵanyń barlyq mán-jaıyn jan-jaqty árі obektıvtі anyqtaýǵa baǵyttalǵan tergeý amaldary jalǵasyp jatqanyn atap óttі.