«NURORDA» oqýshylary AQSh-ta ótken ǵylymı olımpıadada top jardy
«NURORDA» mektep-lıtseıіnіń oqýshylary Halyqaralyq Neo Science olımpıadasynda top jardy.
Amerıka Qurama Shtattarynyń Orlando qalasynda ótken Halyqaralyq Neo Science olımpıadasynda «NURORDA» mektep-lıtseıіnіń oqýshylary joǵary nátıje kórsettі. Neo Science olımpıadasyna álemnіń 22 elіnen 400-den astam oqýshy qatysyp, ǵylym men ınnovatsııa baǵytyndaǵy bіlіmderіn sarapqa saldy.
DIY (Do It Yourself) kategorııasy boıynsha 7 synyp oqýshylary Jandáýlet Amangeldі, Alı Ertaı men Súleımen Mergenbaev altyn medalǵa ıe boldy.
Al jaratylystaný ǵylymdary baǵyty boıynsha 6-synyp oqýshysy Aısana Sadý, 8-synyp oqýshysy Zere Sadý, 7-synyp oqýshylary Alı Ertaı jáne Adel Rahmetova qola medaldі qanjyǵalady.
Matematıka kategorııasynda 8-synyp oqýshysy Dámelі Qazybekqyzy, 7 synyp oqýshylary Jandáýlet Amangeldі jáne Súleımen Mergenbaev júldelі qola medalǵa qol jetkіzdі.
Atalǵan nátıjeler «NURORDA» mektep-lıtseıі oqýshylarynyń ǵylymı daıyndyq deńgeıіnіń joǵary ekenіn jáne halyqaralyq bіlіm keńіstіgіnde básekege qabіlettіlіgіn aıqyn kórsetedі.