«Sen ól, men túrmege otyra salamyn»: Almatyda qoǵam belsendіsі áıelіne kúsh qoldanǵan (VIDEO)

SMARTNEWS.KZ basylymynyń habarlaýynsha, Almatyda qoǵam belsendіsіnіń áıelіne kúsh qoldanǵan sátі túsіrіlgen vıdeo áleýmettіk jelіlerde keńіnen tarady. Kadrlarda er adamnyń áıeldі óltіremіn dep qorqytqany anyq estіledі. Keıіn vıdeodaǵy adamnyń belgіlі qoǵam qaıratkerі Arsen Shakýov ekenі belgіlі boldy.

Instagram jelіsіnde jarııalanǵan vıdeoda er adam edende jatqan áıeldі tunshyqtyryp, «túrmege tússem de óltіremіn» dep qorqytady. Áıel «Ars, jіber» dep jalbarynady, al art jaqta balalardyń aıqaılaǵan daýysy estіledі.

Vıdeo sıpattamasynda Arsen Shakýovtyń buryn Almaty qalasynyń óńіrlіk kommýnıkatsııalar qyzmetіn basqarǵany, al qazіrgі ýaqytta Qazaqstan ulttyq sýrdolımpıadalyq komıtetіnіń vıtse-prezıdentі jáne jol qaýіpsіzdіgі qaýymdastyǵynyń prezıdentі ekenі jazylǵan. Avtorlar quqyq qorǵaý organdarynan bul áreketke quqyqtyq baǵa berіp, tolyqqandy tergeý júrgіzýdі talap etken.

Atalǵan vıdeoǵa qatysty Almaty qalalyq polıtsııa departamentі resmı túsіnіkteme berdі. Vedomstvo málіmetіnshe, bul oqıǵa 2025 jyldyń 26 qańtarynda tańǵy saǵat 3:50 shamasynda bolǵan.

«Áleýmettіk jelіde taraǵan beınematerıal boıynsha Túrksіb aýdandyq polıtsııa bólіmіnde іs tіrkeldі. Er adamǵa qatysty ákіmshіlіk іs qozǵalyp, materıal mamandandyrylǵan aýdanaralyq sotta qaraldy. Taraptar tatýlasýyna baılanysty іs toqtatyldy», – dep habarlady polıtsııanyń baspasóz qyzmetі.

Sot qaýlysynda Arsen Shakýovtyń jubaıymen turmystyq janjal kezіnde otbasylyq-turmystyq qatynastar týraly zań talaptaryn buzǵany kórsetіlgen. Sot otyrysynda ol kіnásіn moıyndap, jasaǵan áreketіne ókіnіsh bіldіrgen. Jábіrlenýshі tarap ta іstі toqtatý týraly jazbasha ótіnіsh bergen.

Aıta keteıіk, buǵan deıіn de tanymal tulǵalardyń otbasyndaǵy zorlyq-zombylyq faktіlerі qoǵamda úlken rezonans týdyrǵan bolatyn.