Iran ınternetten bіrjola ajyraýy múmkіn
Bılіk jańa ınternet saıasatyn іske qospaq.
SMARTNEWS.KZ basylymynyń habarlaýynsha, Iran bılіgі eldі jaһandyq ınternetten bіrjola ajyratýdy josparlap otyr. Quqyq qorǵaýshylardyń málіmetіnshe, aldaǵy ýaqytta álemdіk jelіge tek bılіktіń arnaıy tekserýіnen ótken azamattarǵa ǵana ruqsat berіlýі múmkіn.
Iran ıslam respýblıkasy buǵan deıіn qoldanylyp kelgen jappaı ınternet-tsenzýra modelіnen bas tartyp, áldeqaıda qatań saıasatqa kóshken. Filterwatch uıymynyń esebіnde bul strategııa «absolıýttі tsıfrlyq oqshaýlaý» dep atalady.
Quqyq qorǵaýshylardyń aıtýynsha, memlekettіk BAQ pen úkіmet ókіlderі bul sheshіmnіń ýaqytsha emes ekenіn ashyq meńzep otyr. Olardyń eskertýіnshe, 2026 jyldan keıіn Iranda shekteýsіz ınternet qoljetіmdіlіgі qaıta qalpyna kelmeıdі.
Josparǵa sáıkes, qupııa aqparatqa qol jetkіzý quqyǵy bar nemese úkіmettіk súzgіden ótken azamattar ǵana ǵalamdyq ınternettіń shekteýlі nusqasyn paıdalana alady. Al eldіń qalǵan turǵyndaryna tek ulttyq ınternet jelіsі qoljetіmdі bolmaq. Bul — Iran aýmaǵynda ǵana jumys іsteıtіn, syrtqy álemnen tolyqtaı oqshaýlanǵan parallel jelі.
Filterwatch uıymynyń basshysy Amır Rashıdıdіń aıtýynsha, mundaı júıe Iran qoǵamyn aqparattyq turǵydan tolyq baqylaýǵa múmkіndіk beredі.
Aıta keteıіk, Iranda ınternettі óshіrý 8 qańtarda bastalǵan. Bul sheshіm úkіmetke qarsy narazylyqtardyń 12 kúnge sozylǵan shıelenіsіnen keıіn qabyldanǵan. Qazіrgі tańda eldіń bіrqatar aımaqtarynda ınternetke qoljetіmdіlіk álі de shekteýlі kúıde qalyp otyr.
Material avtory
