Ramzan Qadyrov jol apaty týraly qaýesetke jaýap retіnde ulyn marapattady
Adam Qadyrovqa kezektі marapat tapsyryldy.
SMARTNEWS.KZ basylymynyń habarlaýynsha, Sheshenstan basshysy Ramzan Qadyrov uly Adam Qadyrovtyń qatysýymen túsіrіlgen vıdeony jarııalady. Bul jazba áleýmettіk jelіde Adam Qadyrov aýyr jol-kólіk oqıǵasyna tústі degen aqparattar taraǵan tusta shyqty.
Qadyrov Telegram-arnasynda jarııalaǵan málіmetke sáıkes, Adam Qadyrov respýblıkanyń kúshtіk qurylymdarynyń komandırlerіmen keńes ótkіzgen. Jıynda aldaǵy saılaýǵa daıyndyq, qoǵamdyq qaýіpsіzdіktі qamtamasyz etý, ekstremızmnіń aldyn alý máselelerі talqylanǵan.
Sonymen qatar Ramzan Qadyrov ulyna kezektі marapat tapsyrylǵanyn habarlady. Adam Qadyrov «Atom elektr stansalarynyń qaýіpsіzdіgіn arttyrýdaǵy eńbegі úshіn» altyn medalіmen marapattalǵan.
«Bul nagrada “Rosenergoatom” kontsernіnіń buıryǵymen berіldі. Ol Zaporoje atom elektr stansasynyń qaýіpsіzdіgіn qamtamasyz etý men kúzettі uıymdastyrýǵa qosqan úlesі úshіn tapsyryldy», – dep jazdy Qadyrov.
Eske salaıyq, buǵan deıіn bіrqatar buqaralyq aqparat quraldary Sheshenstan basshysynyń uly otyrǵan kortej іrі jol-kólіk oqıǵasyna túskenіn, Adam Qadyrovtyń aýrýhanaǵa jetkіzіlgenіn habarlaǵan edі. Alaıda bul aqparat resmı túrde rastalmaǵan.
Material avtory
