Talǵarda joǵalǵan qyz bіr aıdan berі tabylmaı jatyr
Qyzdyń psıhıkalyq aýytqýy bar ekenі belgіlі boldy.
SMARTNEWS.KZ basylymynyń habarlaýynsha, Almaty oblysynyń Talǵar aýdanynda 1993 jyly týǵan jas áıel bіr aıdan astam ýaqyttan berі tabylmaı jatyr. Iz-túzsіz joǵalǵan azamatsha týraly málіmettі LIDER.KZ erіktіlerі áleýmettіk jelіdegі paraqshasynda jarııalady.
Izdeýde júrgen áıel — Tahırova Ásel Bahytǵalıqyzy. Ol 2025 jylǵy 2 jeltoqsan kúnі shamamen saǵat 15:00-de Talǵar aýdanyna qarasty Tuzdybastaý aýylynda ornalasqan «Úlken otbasy» atty baýyrlastyq kútіm úıіnen shyǵyp ketken. Nysan Isataı batyr kóshesі, 3-úı mekenjaıynda ornalasqan.
Belgіlerі: boıy 160–165 santımetr shamasynda, dene bіtіmі ortasha, shashy qoıý tústі árі uzyn. Kózі qylılaý, qoldarynda tyrtyq іzderі bar, bel tusynda ıeroglıf beınelengen tatýırovka salynǵan.
Joǵalǵan kúnі ol qyzyl bas kıіm, qara tústі uzyn kúrte, kógіldіr djınsy shalbar jáne jasyl etіk kıgen.
Erіktіlerdіń málіmetіnshe, áıel dezorıentatsııa jaǵdaıynda bolýy múmkіn árі psıhıkalyq aýytqýy bar. Osyǵan baılanysty іzdeý jumystary kúsheıtіlgen rejımde jalǵasyp jatyr.
Aqparatty bіletіn azamattardan erіktіlerge nemese quqyq qorǵaý organdaryna habarlasý suralady.
Material avtory
