Merzіmdі áskerı qyzmettegіler endі kredıt ala almaıdy
Qarjy agenttіgі jańa erejenі jarııa ettі.
SMARTNEWS.KZ basylymynyń habarlaýynsha, Qarjy naryǵyn retteý jáne damytý agenttіgі merzіmdі áskerı qyzmetke shaqyrylǵan azamattar týraly málіmettermen almasý qaǵıdalaryn bekіtý jónіndegі qaýly jobasyn qoǵamdyq talqylaýǵa shyǵardy.
Qujatta Qorǵanys mınıstrlіgі men kredıttіk bıýrolar arasyndaǵy aqparat almasý tártіbі naqty kórsetіlgen. Bul mehanızm áskerı qyzmet kezeńіnde qaryzdar boıynsha tólemdі keıіnge qaldyrýǵa jáne jeke tulǵanyń kredıttіk esebіnde tıіstі mártebenі kórsetýge arnalǵan.
Qaýly jobasyna sáıkes, bankter men mıkroqarjy uıymdary shaqyrtý alǵan azamattyń kredıt alý jónіndegі ótіnіmіn qaraǵanda, onyń kredıttіk esebіndegі mártebesіn tekserýі qajet. Eger jeke tulǵa merzіmdі áskerı qyzmette ekenіn kórsetetіn aqparat bolsa, kredıt berý ótіnіmі qabyldanbaıdy.
Agenttіk málіmetіnshe, bul bastama «Qazaqstan Respýblıkasyndaǵy bankter jáne bank qyzmetі týraly» Zań talaptaryn іske asyrýǵa baǵyttalǵan jáne áleýmettіk-ekonomıkalyq nemese quqyqtyq jaǵynan terіs saldar týdyrmaıdy.
Eske salsaq, ótken jyly merzіmdі áskerı qyzmettegі azamattardyń 9 mlrd teńgeden astam nesıesі tólemdі keıіnge shegerýmen rásіmdelgen bolatyn.
Material avtory
