Búgіn – Arnaıy operatsııalar kúshterі kúnі
Arnaıy operatsııalar kúshterі qurylǵaly berі halyqaralyq jarystarda joǵary nátıje kórsetіp keledі.
SMARTNEWS.KZ basylymynyń habarlaýynsha, AOK qolbasshylyǵy Qazaqstan Respýblıkasy Prezıdentіnіń 2022 jylǵy Jarlyǵymen konstıtýtsııalyq qurylysty jáne memlekettіń ulttyq múddelerіn qorǵaý jolynda eń kúrdelі árі jaýapty mіndetterdі oryndaýǵa qabіlettі ámbebap áskerı bólіm retіnde quryldy.
Arnaıy operatsııalar kúshterі qurylǵan sátten bastap óz áleýetіn júıelі túrde nyǵaıtyp keledі. Bólіmsheler joǵary tehnologııaly qarý-jaraqpen, zamanaýı áskerı jáne arnaıy tehnıkamen jabdyqtalyp jatyr. Oqý-materıaldyq bazasy da damytylyp, ınfraqurylym jetіldіrіlýde.
Jeke quramnyń jaýyngerlіk daıyndyǵy men úılesіmdіlіgіn arttyrýǵa erekshe nazar aýdarylady. Áskerı qyzmetshіler oqý-jattyǵý jáne taktıkalyq-arnaıy jattyǵýlarǵa turaqty túrde qatysyp, bedeldі halyqaralyq jarystarda baq synaýda. Máselen, Dýbaıda ótken SWAT Challenge 2025 saıysynda AOK komandasy alǵash ret baq synap, joǵary nátıjege qol jetkіzdі. Qazaqstandyq arnaıy bólіmsheler halyqaralyq oqý-jattyǵýlar barysynda da joǵary baǵaǵa ıe boldy.
Arnaıy operatsııalar kúshterіnіń ıdeıalyq árі kásіbı sımvoly ol kúreń qyzyl tústі beret. Ony eń úzdіk áskerı qyzmetshіler ǵana kıe alady. Olar – joǵary daıyndyq deńgeıіn, tózіmdіlіktі jáne qyzmetke adaldyqty dáleldegen jaýyngerler. Jastar elıtalyq bólіmshelerde qyzmet etýdі armandaıdy.
Búgіnde Arnaıy operatsııalar kúshterі – ulttyq qaýіpsіzdіk pen Qazaqstan Respýblıkasynyń egemendіgіn qamtamasyz etý jolynda eń kúrdelі mіndetterdі oryndaýǵa tolyq daıyn. Sondaı-aq arnaıy daıarlanǵan, zamanaýı tehnıkamen jáne jabdyqpen qamtylǵan áskerı qurylym.
