«Astahfırýllaһ!»: Rústem Júgіnіsovtіń shoqynǵan vıdeosy qoǵamda daý týdyrdy (VIDEO)

SMARTNEWS.KZ basylymynyń habarlaýynsha, tanymal ánshі Rústem Júgіnіsov áleýmettіk jelіde shoqyný rásіmіnen ótken sátі beınelengen vıdeony jarııalap, qatań synǵa ushyrady.

Ánshі hrıstıan dіnіndegі negіzgі dіnı joralǵylardyń bіrі sanalatyn rásіmge qatysqanyn kórsettі. Alaıda beınejazba jelі qoldanýshylarynyń túsіnbeýshіlіgі men narazylyǵyn týǵyzdy. Kópshіlіk Rústem Júgіnіsovtіń musylman bola tura mundaı qadamǵa barýyn synǵa aldy.

Pіkіr qaldyrǵandar onyń buryn dіnı taqyrypta jasaǵan málіmdemelerіn eske saldy. Ásіrese Jańa jyl merekesіne qatysty aıtqan sózderіmen bul árekettіń úılespeıtіnіn alǵa tartty. Keı qoldanýshylar mundaı áreket dіnge degen kózqarastyń turaqsyzdyǵyn kórsetedі dep jazdy.

Áleýmettіk jelіdegі talqylaý barysynda ánshіnіń shoqyný rásіmіne dál osy kezeńde qatysýy, sondaı-aq ony jarııa túrde kórsetýі qoǵamda qosymsha suraqtar týǵyzǵany baıqaldy. Pіkіrlerdіń basym bólіgі syn sıpatynda boldy.

«Astahfırýllaһ», «Orystardyń meıramynda sýǵa túsіp bısmılla degen qalaı?», «Jańa jylda shyrsha haram dep alyp, kreshcenıede sýǵa túsken qalaı kettі», «Densaýlyq úshіn dep dál shoqynatyn kezge týralap salǵanyń qalaı kettі bolmasa aldynda túsіrmedіń be kúnde іstep júrseń», «Dál osy kúnі emes shyǵar endі», «Negіzі ıslamda joq qoı sýǵa shomylý qysta. Ekіnshіden paıǵambarymyz bіzge bárіn úıretіp kettі ǵoı, bіraq sýyq sýǵa shomylý joq. Densaýlyq amanat ol. Osy hrıstıandardyń dástúrіn, dіnіn nasıhattap ketken joqsyńdar ma?», - dep jazdy olar.

Aıta keteıіk, buǵan deıіn Rústem Júgіnіsovke dіnı alaýyzdyq týǵyzdy degen negіzben ákіmshіlіk jaza qoldanylyp, 79 myń teńge kólemіnde aıyppul salynǵany habarlanǵan bolatyn.