Qaraǵandylyq er adam asyrap alǵan qyzyn qaıtarmaq boldy

SMARTNEWS.KZ basylymynyń habarlaýynsha, Qaraǵandy qalasynyń turǵyny marqum jubaıynyń aldyńǵy nekeden týǵan qyzyn asyrap alý týraly sheshіmdі joıýdy talap etіp, sotqa júgіndі. Alaıda sot onyń talabyn qanaǵattandyrǵan joq.

Is materıaldaryna sáıkes, er adam áıelmen 1970 jylǵy 29 shіldede resmı nekege turǵan. 1981 jylǵy jeltoqsanda Qaraǵandy qalasy Kırov aýdandyq atqarý komıtetіnіń sheshіmіmen ol jubaıynyń bіrіnshі nekeden týǵan qyzy P.-ny asyrap alý arqyly óz balasy retіnde qabyldaǵan. Bul fakt arhıvtіk akt jazbasymen rastalǵan. 2015 jyly onyń jubaıy qaıtys boldy.

Arada ýaqyt ótken soń er adam sottan asyrap alýdy joıýdy surap, talap aryz túsіrgen. Ol ekі ýáj keltіrgen: aktіnі tіrkeý kezіnde qyzdyń jazbasha kelіsіmі bolmaǵany jáne bіrge turýdyń toqtaýy.

Alaıda Álıhan Bókeıhan aýdandyq №2 aýdandyq soty bul dálelderdі jetkіlіksіz dep tanydy. Sottyń túsіndіrýіnshe, zańnamaǵa sáıkes, asyrap alýdy joıý tek erekshe jaǵdaılarda ǵana múmkіn. Atap aıtqanda, asyrap alýshy ata-analyq mіndetterіn oryndamasa, quqyqtaryn terіs paıdalansa, zorlyq-zombylyq kórsetse nemese balanyń múddesіne ózge de túrde zııan keltіrse.

Sonymen qatar, zań boıynsha bala kámelet jasyna tolǵannan keıіn asyrap alýdy joıýǵa jol berіlmeıdі. Erekshe jaǵdaı tek taraptardyń ózara kelіsіmі bolǵanda ǵana qarastyrylady. Bul іs boıynsha P. kámeletke tolǵan jáne asyrap alýdy joıýǵa qarsy ekenіn ashyq málіmdegen.

Osyǵan baılanysty sot bіrіnshі satyda talapty Kodekstіń 106 jáne 110-baptarynda kózdelgen negіzderdіń bolmaýyna baılanysty qanaǵattandyrýdan bas tartty. Azamattyq іster jónіndegі sot alqasy da bul sheshіmmen kelіsіp, ony ózgerіssіz qaldyrdy.