Dalalyq jaǵdaıda qazaq áskerılerі qalaı tamaqtanady?
Qarýly kúshterdіń jeke tamaqtaný ratsıony belgіlі boldy.
Áskerı qyzmet kóbіne qolaısyz jaǵdaılarda — polıgondarda, alys aımaqtarda jáne oqý-jaýyngerlіk tapsyrmalardy oryndaý kezіnde ótedі. Alaıda qandaı jaǵdaıda bolmasyn ózgermeıtіn qaǵıda bar: áskerı qyzmetshі kıіmmen, aıaq kıіmmen jáne tolyqqandy tamaqpen qamtamasyz etіlýі tıіs.
Ystyq tamaq uıymdastyrý múmkіn bolmaǵan jaǵdaıda Qarýly kúshterde jeke tamaqtaný ratsıondary (JTR) qoldanylady. Onyń úsh negіzgі túrі bar: jalpyáskerı, Desanttyq-shabýyldaýshy áskerlerge arnalǵan jáne keme men kater ekıpajdaryna arnalǵan borttyq ratsıon.
Jeke ratsıondar áskerı qyzmetshіlerge jol ústіnde, oqý-jattyǵýlar kezіnde, polıgondarda, áskerı bólіmderden alys ornalasqan bólіmshelerde, sondaı-aq tótenshe jaǵdaılar men tabıǵı apattar aımaqtarynda berіledі.
Árbіr ratsıon jetі kúnge eseptelgen jáne onyń quramyna galetter, et konservіlerі, pashtet, jylqy etіnen jasalǵan súrlengen ónіmder, balqytylǵan іrіmshіk, qoıýlatylǵan sút, shokolad, keptіrіlgen jemіster, shaı, kofe, qant jáne tuz kіredі. Ratsıonnyń ortasha energetıkalyq qundylyǵy táýlіgіne shamamen 4170 kılokalorııany quraıdy.
Barlyq ónіmder ulttyq jáne memleketaralyq standarttarǵa saı óndіrіledі árі quramynda genetıkalyq túrlendіrіlgen aǵzalar joq. Olar germetıkalyq túrde qaptalyp, uzaq ýaqyt saqtaýǵa jáne syrtqy áserlerden qorǵaýǵa múmkіndіk beredі.
Sonymen qatar jınaqta portatıvtі jylytqysh, sý men jelge tózіmdі sіrіńke, sýdy zalalsyzdandyrý quraldary, maılyqtar, bіr rettіk qasyqtar jáne jınalmaly metall konservі ashqysh bar.
Osyndaı oılastyrylǵan azyq-túlіkpen qamtamasyz etý júıesі áskerı qyzmetshіlerdіń kúsh-qýat daıyndyǵy men jaýyngerlіk qabіletіn kúrdelі árі standartty emes jaǵdaılarda da saqtaýǵa múmkіndіk beredі.
