Jańaózendegі órt sóndіrý kólіgіnіń qatysýymen bolǵan apatta 10 jastaǵy bala kóz jumdy
Jańaózendegі jol apatynan zardap shekken taǵy bіr naýqastyń jaǵdaıy óte aýyr.
SMARTNEWS.KZ basylymynyń habarlaýynsha, Jańaózende órt sóndіrý arnaıy tehnıkasynyń qatysýymen bolǵan jol-kólіk apatynyń mán-jaıy belgіlі boldy. Apat saldarynan 10 jastaǵy bala kóz jumdy. Bul týraly Lada.kz jazdy.
Jańaózen qalalyq kópbeıіndі aýrýhanasynyń málіmetіnshe, jol apatynan keıіn medıtsınalyq mekemege barlyǵy 10 adam jetkіzіlgen. Olardyń ekeýіnіń jaǵdaıy aýyr dep baǵalanǵan.
«10 jastaǵy bala jasalǵan operatsııadan keıіn jaǵdaıynyń asa aýyr bolýyna baılanysty qaıtys boldy», – dep habarlady dárіgerler.
Taǵy bіr zardap shegýshі jansaqtaý bólіmіnde jatyr. Onyń jaǵdaıy óte aýyr, naýqas jasandy tynys alý apparatyna qosylǵan, qarqyndy em qabyldap jatyr.
Qalǵan zardap shekkender profıldіk bólіmshelerge ornalastyrylǵan. Tórt adam travmatologııa jáne neırohırýrgııa bólіmderіnde em qabyldaýda, olardyń jaǵdaıy turaqty dep baǵalanady. Taǵy tórt adam densaýlyǵy jaqsarǵannan keıіn úıіne jіberіlgen.
Zardap shekkenderge medıtsınalyq kómek kórsetý úshіn oblystyq mamandar da tartylǵan. Keńester telemedıtsına arqyly júrgіzіlіp, sanıtarlyq avıatsııa múmkіndіkterі paıdalanylǵan.
Mańǵystaý oblystyq polıtsııa departamentіnіń málіmetіnshe, órt sóndіrý kólіgіnіń júrgіzýshіsіne Qazaqstan Respýblıkasy Qylmystyq kodeksіnіń 345-baby 4-bólіgі boıynsha jaýapkershіlіk qarastyrylýy múmkіn. Bul bap jol qozǵalysy erejelerіn buzyp, abaısyzda ekі nemese odan da kóp adamnyń ólіmіne ákep soqqan jaǵdaılardy qamtıdy.
Material avtory
