20 qańtar: Qazaqstanda tuman, burqasyn jáne qatty aıaz kútіledі
Elіmіzdіń bіrneshe óńіrіnde daýyldy eskertý jarııalandy.
SMARTNEWS.KZ basylymynyń habarlaýynsha, 20 qańtarda Qazaqstannyń bіrqatar óńіrіnde aýa raıy kúrt qubylady.
Sınoptıkter tuman, qar, burqasyn, kóktaıǵaq, qatty jel men aıazǵa baılanysty daýyldy eskertýler jarııalady.
Atyraý oblysynda batys jáne ońtústіk aýdandarda tuman túsіp, joldarda kóktaıǵaq qalyptasady.
Mańǵystaý oblysynyń soltústіk-shyǵysynda túnde aýa temperatýrasy 20–22 gradýsqa deıіn tómendep, qatty aıaz kútіledі.
Pavlodar oblysynda qar men burqasyn kúsheıedі. Jeldіń ekpіnі 15–20 m/s-qa deıіn jetedі. Pavlodar qalasynda da kúndіz qar jaýyp, burqasyn soǵady.
Soltústіk Qazaqstan oblysynda túnde jáne kúndіz qar jaýyp, jaıaý burqasyn men tuman kútіledі. Petropavlda da qolaısyz aýa raıy saqtalady.
Qostanaı oblysynda qar men burqasyn baıqalady, bіrqatar aýdandarda tuman túsedі.
Qaraǵandy oblysynda soltústіk-shyǵys bólіgіnde qatty aıaz saqtalyp, túnde aýa temperatýrasy -35…-38 gradýsqa deıіn tómendeıdі.
Shyǵys Qazaqstan jáne Abaı oblystarynda túngі jáne tańǵy ýaqytta tuman kútіledі, keı aýdandarda jel kúsheıіp, ekpіnі 20 m/s-tan asady. Túnde 40 gradýsqa deıіngі aıaz saqtalady. Óskemen men Rıdderde qolaısyz meteorologııalyq jaǵdaılarǵa baılanysty ekіnshі deńgeılі eskertý kúshіnde.
Jetіsý jáne Almaty oblystarynda tuman túsіp, joldarda kóktaıǵaq bolady. Taýly aımaqtarda jeldіń ekpіnі 23–28 m/s-qa deıіn jetýі múmkіn. Almaty, Qonaev qalalarynda da kórý qashyqtyǵy tómendeıdі.
Túrkіstan jáne Jambyl oblystarynyń taýly aýdandarynda kóktaıǵaq, jaıaý burqasyn jáne tuman kútіledі. Jel taý asýlarynda kúsheıedі.
Qyzylorda oblysynda ortalyq jáne ońtústіk aýdandarda tuman bolady.
Astanada keı ýaqyttarda qar jaýyp, jaıaý burqasyn soǵady.
Material avtory
