Zelenskıı ýkraın halqyna jappaı soqqy qaýpі týraly eskertý jasady
Prezıdent turǵyndardy saq bolýǵa shaqyrdy.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı el azamattaryna qaýіp jónіnde resmı eskertý jasady. Bul týraly ol dástúrlі keshkі úndeýіnde málіmdedі.
Zelenskııdіń aıtýynsha, Reseı Ýkraına aýmaǵyna jappaı soqqy jasaýǵa daıyndalyp otyr jáne qolaıly sáttі kútýde. Osyǵan baılanysty prezıdent turǵyndardy áýe dabyldaryna barynsha muqııat bolýǵa shaqyrdy.
«Aldaǵy kúnderі erekshe saqtyq qajet. Reseı aýqymdy soqqyǵa daıyndalyp, ony júzege asyratyn ýaqytty kútýde. Barlyq áýe dabyldaryna nazar aýdaryńyzdar. Ár óńіrde adamdarǵa jedel kómek kórsetýge tolyq daıyndyq bolýy tıіs», – dedі memleket basshysy.
BAQ deregіnshe, mundaı aqparatty monıtorıngtіk arnalar da jarııalap jatyr. Sonymen qatar Dnepropetrovsk oblystyq keńesіnіń tóraǵasy Nıkolaı Lýkashýk ta jaqyn kúnderі jappaı soqqy qaýpі bar ekenіn eskertіp, turǵyndarǵa barlyq qurylǵylardy qýattaýdy jáne aýyz sý qoryn ázіrleýdі usyndy.
Reseı tarapy bul málіmdemelerge qatysty resmı pіkіr bіldіrgen joq.
Eske salsaq, 8 qańtarda Reseı Dnepropetrovsk, Lvov jáne Zaporoje oblystaryna, sondaı-aq Kıevke soqqy jasaǵan. BAQ shabýyl kezіnde «Oreshnık» júıesі qoldanylǵanyn jazǵan, keıіn bul aqparatty Reseı Qorǵanys mınıstrlіgі rastady. Osy shabýyldardan keıіn Ýkraına Syrtqy іster mınıstrlіgі BUU Qaýіpsіzdіk keńesіnіń shuǵyl otyrysyn shaqyrǵanyn habarlaǵan.
Buǵan qosa, Vladımır Zelenskıı reseılіk soqqylardyń aýyr saldaryna baılanysty eldіń energetıka salasynda tótenshe jaǵdaı rejımіn engіzý múmkіn ekenіn de málіmdegen edі.
Material avtory
