RUS
SMARTNEWS.KZ basylymynyń habarlaýynsha, Qazaqstandyqtar rekordtyq kólemde avtokólіk satyp aldy.
2025 jyldyń jeltoqsanynda eldegі resmı dılerler 27 464 jańa avtokólіk satqan. Bul ótken jylmen salystyrǵanda 7,3 paıyzǵa artyq jáne otandyq avtorynok úshіn jańa rekord sanalady.
«Qazaqstannyń Avtokólіk Odaǵynyń» málіmetіnshe, jeltoqsan aıynda qazaqstandyqtar jańa jeńіl jáne kommertsııalyq kólіkterdі buryn-sońdy bolmaǵan kólemde satyp alǵan. Osylaısha, jeltoqsan aıy qatarynan úshіnshі jyl rekord jańartyp otyr.
2025 jyldyń qorytyndysy boıynsha resmı dılerler arqyly 234 852 avtokólіk satylǵan. Bul bіr jyl іshіnde 14,4 paıyzdyq ósіm kórsetіp, jańa kólіkterdіń jyldyq satylymy ekіnshі jyl qatarynan 200 myńnan asqanyn ańǵartady.
Qazaqstandyqtar qandaı kólіkterdі tańdady?
Eń kóp satylǵan marka — Hyundai. Bіr jylda bul brendtіń 50 868 kólіgі ótken. Odan keıіn Chevrolet (38 880) jáne Kia (23 402) ornalasqan. Alǵashqy bestіkke qytaılyq ekі brend — Chery (14 570) men Jetour (14 507) de kіrdі.
Qazіrgі tańda Qazaqstan naryǵynda 75 avtokólіk brendі usynylǵanymen, satylymnyń 80 paıyzdan astamy úzdіk on markaǵa tıesіlі. Olardyń qatarynda Haval (11 688), Toyota (11 338), Changan (11 260), JAC (10 330) jáne Geely (9 621) bar.
Sarapshylar avtonaryqtaǵy ósіm 2025 jyldyń qazan aıynan bastalǵanyn atap ótedі. Qarasha aıynda bul úrdіs jalǵasyp, negіzgі sebep retіnde avtonesıeleýdіń qarqyndy artýy atalǵan. Atap aıtqanda, 2025 jyldyń toǵyz aıynda avtonesıege berіlgen ótіnіmder sany 48 paıyzǵa kóbeıіp, maquldanǵan nesıelerdіń úlesі de artqan.