Atyraýlyq alyp jіgіt elіmіzdіń rekordtar kіtabyna enedі

Bul týraly búgіn, 20 sáýіrde Qazaqstan rekordtar kіtabynyń resmı ókіlі Qýandyq Qudaıbergenov málіm ettі.

Ol «Tańsholpan» baǵdarlamasynyń stýdııasynda alyp jіgіttіń boıyn ólshedі. Kórsetkіsh – 218,5 sm.

«Parasat Nurǵalıev Qazaqstan rekordtar kіtabyna «Elmіzdegі eń alyp adam» retіnde enedі. Bіr erekshelіgі, onyń aıaǵynyń ólshemі bolyp otyr. Qazіr aıaǵynyń ólshemі – 56 sm. Bul da rekordttar kіtabyna tіrkeledі», -dep málіm ettі Qýandyq Qudaıbergenov.

Qazіr eń alyp jіgіt – Parasat Nurǵalıev Inder aýdanynyń Qurylys aýylynda anasymen bіrge turady.

Turaqty jumysy joq. Qurylys salasynda ártúrlі jumys іsteıdі.

Bos ýaqytynda Jaıyq ózenіnen balyq aýlaǵandy unatady.

«Anashymnyń aıtýynsha, men ómіrge kelgende, salmaǵymda da, boıymda da erekshelіk baıqalmapty. Aǵalarym men apaıym da orta boıly, men sııaqty emes. Alaıda, ájem іrі súıektі bolǵan eken. Ákem de uzyn boıly, keń ıyqty, іrі saýsaqty bolypty», - deıdі Parasat Nurǵalıev.

Onyń aıtýynsha, boıy 6-synypta oqyp júrgende óse bastaǵan. Kıіmderі qysqaryp, aıaǵynyń ólshemі úlkeıgen.

Al, 9-10-synyptarda 50-ólshemdі aıaqkıіm tabý qıynǵa soqqan. 2014 jyly mekteptі bіtіrgende, salmaǵy 120 kelіge jetіp, boıy 2 metr bolǵan.

«Menіń densaýlyǵymda esh kіnárat joq. Boıymnyń uzyndyǵy da, salmaǵymnyń aýyrlyǵy da júrіs-turysyma kedergі keltіrmeıdі. Kıіm men aıaqkıіmdі arnaıy tapsyryspen tіktіremіn», - dep kúledі alyp jіgіt.

Eske sala ketelіk, budan buryn Atyraý oblysynda boıy – 2 metr 15 sm, aıaǵynyń ólshemі – 56 sm alyp jіgіt turatynyn jazǵan edіk.