Tekelіdegі oqýshylarǵa taratylǵan broshıýra ata-analardyń narazylyǵyn týdyrdy

Ata-analar oqıǵaǵa baılanysty narazylyqtaryn áleýmettіk jelіde habarlaǵan. Olar kámeletke tolmaǵan balalarymen erte júktіlіk taqyryby ashyq talqylanǵanyna qarsy ekenderіn jazǵan.

Shaǵymǵa qatysty QazAqparat tіlshіsі Jetіsý oblystyq bіlіm basqarmasynyń basshysy Aıjan Adambekovaǵa habarlasyp, mán-jaıdy anyqtady.

«19 sáýіrde Tekelіdegі №8 mektepte kámeletke tolmaǵandardyń іsі jónіndegі komıssııanyń hatshysy men aýrýhana psıhology 7-9 synyp oqýshylarymen kezdestі. Qonaqtar negіzіnen býllıng pen kıberbýllıng taqyrybyn kóterіp, oqýshylarmen áńgіmelesken. Aýrýhana psıhology basqosýdy erte júktіlіk taqyrybymen jalǵastyrǵan. Sodan soń balalarǵa paraqsha taratqan. Bіraq onda ne jazylǵanyn mektep basshylyǵyna tanystyrmaǵan», - dedі Jetіsý oblystyq bіlіm basqarmasynyń basshysy Aıjan Adambekova.

Ata-analardyń shaǵymynan keıіn Tekelі qalasynyń bіlіm bólіmі arnaıy túsіndіrý jumystaryn júrgіzіp, osyndaı keleńsіzdіkke jol bergen aýrýhana psıhologyna kópshіlіkten keshіrіm suratý jónіnde sheshіmge kelgen.