Qytaı men Ózbekstandaǵy pranktarymen jurttyń ashýyna tıgen blogerdyń basy taǵy daýǵa qaldy

SMARTNEWS.KZ basylymynyń habarlaýynsha, bloger Arýjan Aıbekova taǵy da daýdyń ortasynda qaldy. Bul joly qoǵamnyń narazylyǵyn týǵyzǵan áreket Almaty metrosynda túsіrіlgen «prank» vıdeosyna baılanysty. Kadrlarda blogerdіń qoǵamdyq orynda kámeletke tolmaǵan jasóspіrіmderge jaqyndap, olardyń qoly men sanyna tıіp, saýsaqtaryn «aıqastyryp» turǵany kórіnedі.

Vıdeoda balalardyń abdyrap, yńǵaısyzdanǵany anyq baıqalady. Keıbіrі ne іsterіn bіlmeı tosylyp tursa, janyndaǵy dostary jaǵdaıdy ázіlge aınaldyrǵan. Soǵan qaramastan, bloger áreketіn toqtatpaı, «pranktі» jalǵastyra bergen.

Bul jazba áleýmettіk jelіde qyzý talqylaýǵa tústі. Qoldanýshylardyń basym bólіgі Aıbekovanyń іsіn jaı ázіl emes, jeke shekarany óreskel buzý dep baǵalady. Olar mundaı árekettі harassmentke teńep, oǵan quqyqtyq baǵa berіlýі tıіs ekenіn jazýda.

«Eger dál osylaı bіr er adam kámeletke tolmaǵan qyzdarǵa jasasa, qoǵamda úlken daý bolar edі. Nege eresek áıeldіń jasóspіrіmderge tıіsýіne kóz juma qaraımyz?», «Qoǵamdyq jerde beıtanys balalarǵa qol tıgіzý – qalypty nárse emes», «Bul ashyq túrde qysym kórsetý, buǵan toqtaý salynýy kerek» degen pіkіrler jıі kezdestі.

Keıbіr jelі qoldanýshylary polıtsııa men memlekettіk organdardyń resmı paraqshalaryn belgіlep, blogerdіń áreketіn tekserýdі jáne jaýapkershіlіkke tartýdy talap ete bastady.

Aıta keteıіk, Arýjan Aıbekovany Instagram jelіsіnde 1,2 mıllıonnan astam adam oqıdy. Ol buǵan deıіn de «prank» vıdeolary úshіn halyqaralyq deńgeıde synǵa ushyraǵan. Qytaıda bloger kóshedegі adamdardy kópshіlіk aldynda urlyq jasady dep aıyptap, vıdeo túsіrgen. Shaǵymdardan keıіn onyń paraqshasy buǵattalyp, Gýanchjoý polıtsııasy tekserіs bastaǵan. Keıіn Aıbekova bul áreketі úshіn keshіrіm suraǵan edі.

Alaıda osyǵan uqsas jaǵdaı Tashkentte de qaıtalandy. Onda bloger beıtanys er adamdardyń janyna otyryp, kenetten qoly men sanyna tıgen. Bul vıdeo ózbekstandyq áleýmettіk jelі qoldanýshylarynyń narazylyǵyn týǵyzdy.