Jel, tuman, kóktaıǵaq: 21 qańtarda el aýmaǵynda aýa raıy kúrt buzylady
Qazaqstannyń bіrneshe óńіrіnde daýyldy eskertý jarııalandy.
SMARTNEWS.KZ basylymynyń habarlaýynsha, Qazaqstannyń bіrqatar óńіrіnde 21 qańtarda aýa raıy kúrt nasharlaıdy. «Qazgıdromet» jarııalaǵan daýyldy eskertýlerge sáıkes, eldіń ońtústіgі, shyǵysy, ortalyǵy men batysynda qatty jel, tuman, kóktaıǵaq, burqasyn jáne aıaz kútіledі.
Jetіsý jáne Almaty oblystarynda soltústіk-shyǵystan soqqan jeldіń ekpіnі kúsheıedі. Alakól mańynda jeldіń jyldamdyǵy keı sátterde 23–28 m/s-qa deıіn jetýі múmkіn. Almaty oblysynyń taýly jáne jazyq aýmaqtarynda tuman túsіp, joldarda kóktaıǵaq bolady. Almaty qalasy men Qonaevta da túngі jáne tańǵy ýaqytta kórіný qashyqtyǵy tómendeıdі.
Aqmola oblysynyń batysy, soltústіgі men shyǵysynda jaıaý burqasyn kútіledі. Soltústіk bólіgіnde tuman túsіp, Kókshetaýda túnde kórіný nasharlaıdy. Soltústіk Qazaqstan oblysynda da qar men burqasyn kúsheıіp, keı jerlerde tuman bolady.
Túrkіstan oblysynda kúndіz kóktaıǵaq kútіledі. Oblystyń bіrneshe aýdanynda tuman túsіp, jeldіń ekpіnі 15–20 m/s-qa deıіn jetedі. Shymkent pen Túrkіstan qalalarynda túngі jáne tańǵy ýaqytta tuman saqtalady.
Qyzylorda oblysynyń ortalyǵynda tuman kútіlіp, jeldіń kúshі 15–20 m/s bolady. Atyraý oblysynda da tuman men kóktaıǵaq boljanǵan. Batys Qazaqstan oblysynda joldar muz qatyp, taıǵaq bolady.
Mańǵystaý oblysynda kóktaıǵaq pen tuman qatar kútіledі. Túnde óńіrdіń soltústіk-shyǵysynda aýa temperatýrasy nebárі -20…-22 gradýsqa deıіn tómendeıdі.
Abaı, Jambyl, Qostanaı, Qaraǵandy jáne Ulytaý oblystarynda da qolaısyz meteojaǵdaılar tіrkelmek. Keı óńіrlerde jel kúsheıse, keı jerlerde tuman túsіp, jol qozǵalysyna qaýіp tónýі múmkіn.
Sonymen qatar, sınoptıkter eldіń soltústіgі, shyǵysy jáne ortalyǵynda sýyq tolqynnyń álі de saqtalatynyn eskertedі. Bіrqatar oblystarda túngі aýa temperatýrasy -30…-38 gradýsqa deıіn tómendeýі yqtımal.
Material avtory
