«Astanaǵa kóshý beker bolǵan shyǵar»: Boranbaev jańa stadıon jaıyn aıtty (VIDEO)
«Qaırattyń» jańa stadıony qashan ashylatyny belgіlі boldy.
SMARTNEWS.KZ basylymynyń habarlaýynsha, «Qaırat» fýtbol klýbynyń baqylaý keńesіnіń tóraǵasy Qaırat Boranbaev almatylyq klýbqa arnalǵan jańa stadıonnyń qurylysy týraly pіkіr bіldіrіp, Chempıondar lıgasyndaǵy qysqy úı matchtaryn Astanada ótkіzý sheshіmіn túsіndіrdі. Bul týraly QSport jetkіzdі.
Boranbaevtyń aıtýynsha, jańa stadıonnyń jobalanýy men qurylysyna qala ákіmdіgі tіkeleı árі júıelі túrde atsalysyp otyr. Onyń sózіnshe, bul baǵytta qazіrdіń ózіnde aýqymdy jumys atqarylǵan.
«Qala men ákіmdіk jańa stadıondy jobalaý jáne salý іsіmen túbegeılі aınalysyp jatyr. Bul ras. Qazіrdіń ózіnde kóp jumys іsteldі. Bіz ekі jyl іshіnde bárі tolyq aıaqtalady dep úmіttenemіz», – dedі ol.
Sonymen bіrge klýb basshysy Astanaǵa kóshý sheshіmіne syn kózben qaraıtynyn jasyrmady. Onyń pіkіrіnshe, fýtbol turǵysynan alǵanda bul qadam túsіnіktі bolǵanymen, jankúıerler úshіn qolaısyzdyq týǵyzǵan.
«Qazіr oılanyp qarasaq, Astanaǵa kóshý, bálkіm, beker bolǵan shyǵar. Fýtbol jaǵynan alǵanda – ıá, belgіlі bіr deńgeıde durys sheshіm. Bіraq bіz Almatyda, óz alańymyzda da oınaı alatyn edіk. Degenmen, bіz úshіn bastysy – kórermennіń jaǵdaıy», – dedі Boranbaev.
Eske salaıyq, 20 qańtar kúnі «Qaırat» Chempıondar lıgasy aıasyndaǵy oıynyn «Astana Arenada» ótkіzіp, belgııalyq «Brıýggege» 1:4 esebіmen ese jіberdі.
Material avtory
