Shymkenttegі jappaı tóbeles: bіr adam qaza taýyp, bes kúdіktі іzdestіrіlýde
Marqumnyń qylmystyq toptyń múshesі bolǵany týraly aqparat tarady.
SMARTNEWS.KZ basylymynyń habarlaýynsha, Shymkentte 40 jastaǵy er adamnyń qaza bolýymen aıaqtalǵan jappaı tóbeleske baılanysty kúdіktіlerge іzdeý jarııalandy. Aldyn ala málіmet boıynsha, oqıǵa barysynda ekі adam jaraqat alyp, bіr adam kóz jumǵan. Marqumnyń máıіtі qalalyq aýrýhanalardyń bіrіnіń avtoturaǵyna tastalyp ketken.
Quqyq qorǵaý organdarynyń deregіnshe, kúdіktіler qala aýmaǵynda jasyrynǵan bolýy múmkіn. Qazіr jedel-іzdestіrý sharalary júrgіzіlіp jatyr, kúdіktіlerdі anyqtaý jáne ustaý baǵytynda barlyq qajettі kúsh jumyldyrylǵan.
Beıresmı derekkózderde qaza tapqan 40 jastaǵy Vasılıı Kolesnıkovtyń buryn qylmystyq jaýapkershіlіkke tartylǵany týraly aqparat tarady. Aıtýlarynsha, ol adam óltіrgenі úshіn jaza ótegen jáne qylmystyq toptyń múshesі retіnde esepte turǵan. Alaıda bul málіmetterge resmı organdar ázіrge túsіnіkteme bergen joq.
Polıtsııa kúdіktі retіnde bes adamdy іzdeýge jarııalady. Olar:
— Arysbaev Maksýt Asılhanovıch, 1990 jyly týǵan;
— Qýandykov Jandіlda Dúısenbіuly, 1991 jyly týǵan;
— Kyzbalaev Darhan Almatovıch, 1988 jyly týǵan;
— Daýlasov Marat Kallybekovıch, 1983 jyly týǵan;
— Inkarbekov Raýan Mýratbekovıch, 1986 jyly týǵan.
Tergeý múddesіne baılanysty ózge aqparat ázіrge jarııa etіlmeıdі. Oqıǵanyń naqty sebepterі men mán-jaıy qylmystyq іs aıasynda anyqtalady.
Material avtory
