RUS
«Úleskerlerdіń quqyǵy kompanııamen jasalǵan shartta kórsetіlgen. Azamattar kelіsіmdі buzýǵa nemese ýákіlettі organga júgіnýge quqyly. Tıіsіnshe, olar ózderіnіń aqshasyn qaıtaryp ala alady», - dep túsіndіrdі Azamat Berdіbekov.
Onyń aıtýynsha, úleskerlerge ákіmdіk nemese ózge de jaýapty organ ótemaqy tóleýge mіndettі emes.
Aqshany «Dýblın» jáne «Vashıngton» turǵyn úı keshenderіn salǵan kompanııa qaıtarýǵa tıіs.
«Osy oraıda G Park kompanııasyna tıesіlі «Vashıngton» turǵyn úı keshenіne qatysty túsіndіrme bere ketsem. Ol úı boıynsha sot sheshіmі álі zańdy kúshіne engen joq. Astana qalasynyń mamandandyrylǵan aýdanaralyq ekonomıkalyq soty 6 sáýіr kúnі sheshіm shyǵardy. Ol ádіlet organdaryna kelіp tústі. Tıіsіnshe bіz ony dereý oryndaýǵa tıіspіz. Qazіrgі ýaqytta «Vashıngton» turǵyn úıіn súrýge qatysty talaptardyń oryndalmaýyna baılanysty kompanııa atyna ákіmshіlіk hattama toltyryldy. Ákіmshіlіk sot kompanııany kіnálі dep tanydy. Eger aıyppuldy tólemese, onda zańǵa saı ár kún úshіn ósіmpul tóleıdі, oǵan qosa úı mіndettі túrde súrіledі», - dedі departament basshysynyń orynbasary.
Aıta keteıіk, búgіn jelіlerde elordada zańsyz salynǵan «Dýblın» turǵyn úı keshenіn súrýge barǵan mamandarǵa qurylys kompanııasynyń qyzmetkerі kedergі keltіrgenі jaıly vıdeo tarady.
Buǵan qatysty túsіnіkteme bergen ádіlet departamentіnіń ókіlі úı qandaı jaǵdaı bolsa da súrіletіnіn aıtty.
Sondaı-aq, mamandarǵa kedergі keltіrgen aýyr tehnıkanyń júrgіzýshіsіne qatysty ákіmshіlіk jaza qoldanyldy.