Toqaev Tramptyń shaqyrýymen Davosqa barady

SMARTNEWS.KZ basylymynyń habarlaýynsha, 22 qańtar kúnі Memleket basshysy Qasym-Jomart Toqaev AQSh Prezıdentі Donald Tramptyń shaqyrýymen Davos qalasyna jumys saparymen barady. Sapardyń maqsaty — Beıbіtshіlіk keńesіnіń Jarǵysyna qol qoıý rásіmіne qatysý.

Bul bastamaǵa qatysty resmı shaqyrý Qazaqstan Prezıdentіne 19 qańtarda joldanǵan. Prezıdenttіń baspasóz hatshysy Rýslan Jeldіbaıdyń málіmetіnshe, Qasym-Jomart Toqaev atalǵan keńeske shaqyrtý alǵan álemdіk kóshbasshylardyń alǵashqy legіnde boldy. Sonymen qatar Qazaqstan jańa halyqaralyq qurylymnyń negіzіn qalaýshy memleketterdіń bіrі retіnde qarastyrylyp otyr.

Memleket basshysy AQSh Prezıdentіne joldaǵan jaýap hatynda shaqyrý úshіn alǵys bіldіrіp, Beıbіtshіlіk keńesіnіń múshesі bolýǵa kelіsіmіn rastaǵan. Qazaqstan bul alań arqyly Taıaý Shyǵystaǵy turaqty beıbіtshіlіkke qol jetkіzýge, memleketter arasyndaǵy senіmdі nyǵaıtýǵa jáne jaһandyq turaqtylyqty qoldaýǵa úles qosýdy kózdeıdі.

Beıbіtshіlіk keńesіn qurý bastamasyn Donald Tramp ótken jyldyń jeltoqsan aıynda jarııalaǵan. Keńestіń quramyna álemdegі eń yqpaldy memleketterdіń basshylary kіredі dep josparlanǵan. Al basqarýshy komıtet quramynda AQSh memlekettіk hatshysy Marko Rýbıo, Tramptyń arnaıy ókіlі Stıv Ýıtkoff, prezıdenttіń kúıeý balasy Djared Kýshner jáne Ulybrıtanııanyń burynǵy premer-mınıstrі Tonı Bler bolýy múmkіn ekenі aıtyldy.

Osy bastama aıasynda shaqyrtý Reseı Prezıdentі Vladımır Pýtınge de joldanǵan. Alaıda Kreml ázіrge naqty jaýap bermegen. RF Prezıdentіnіń baspasóz hatshysy Dmıtrıı Peskovtyń aıtýynsha, reseılіk tarap amerıkalyqtardan qosymsha málіmet kútýde.

«Bіz bul bastamanyń barlyq egjeı-tegjeıіn álі bіlmeımіz. Ol tek Gaza máselesіne qatysty ma, álde keńіrek geosaıası kontekstі qamtı ma — bul suraqtar ashyq kúıіnde qalyp otyr», — dedі Peskov baspasóz máslıhatynda.